ଇଣ୍ଡିଆନ ଆଇଡ଼ଲର ୧୦ମ ସିଜିନ୍ ଆରମ୍ଭ ହୋଇଯାଇଛି। ଏହି ଶୋ’ରେ ଅନୁ ମଲିକ, ବିଶାଲ ଦଦଲାନୀ ଓ ନେହା କକର୍ ବିଚାରକ ଭାବେ ଭାର ବହନ କରିଛନ୍ତି। ଏହି ଶୋ’ ସହିତ ନେହା କକର୍ଙ୍କର ଏକ ଅତୁଟ ସମ୍ପର୍କ ରହିଛି। ସେ ସାମାଜିକ ଗଣମାଧ୍ୟମରେ ଏହି ଶୋ’ ସହ ଥିବା ସମ୍ପର୍କ ଓ ତାଙ୍କ ସଙ୍ଗୀତ ଜୀବନର ସଂଘର୍ଷ ବିଷୟରେ ଦର୍ଶକଙ୍କୁ ଜଣାଇଛନ୍ତି। ସେ କହିଛନ୍ତି, ୧୦ ବର୍ଷ ପୂର୍ବେ ସେ ଏହି ଶୋ’କୁ ଜଣେ ପ୍ରତିଯୋଗୀ ହୋଇ ଆସିଥିଲେ। ଏହାପରେ ଦୀର୍ଘ ୧୦ ବର୍ଷର ସଂଘର୍ଷ ପରେ ସେ ଆଜି ଜଣେ ପ୍ରତିଷ୍ଠିତ ଗାୟିକା ଭାବେ ଏହି ସ୍ଥାନରେ ପହଞ୍ଚିଛନ୍ତି। ପୂର୍ବରୁ ସେ ଭିଡ଼ର ଏକ ଅଂଶ ଥିଲେ, ହେଲେ ଆଜି ସେ ଯେଉଁଠି ଠିଆ ହେଉଛନ୍ତି ସେଠାରେ ଭିଡ଼ ଜମୁଛି। ସବୁ ଦର୍ଶକଙ୍କ ମନରେ ସେ ଏକ ଅଜଣା ସମ୍ପର୍କ ତିଆରି କରି ପାରିଛନ୍ତି। ନେହା କହିଛନ୍ତି, “ଜଣେ ପ୍ରତିଯୋଗୀ ଭାବେ ଏହି ଶୋ’ରେ ମୁଁ ମୋର କ୍ୟାରିୟର ଆରମ୍ଭ କରିଥିଲି ଓ ଆଜି ସେହି ଶୋ’ରେ ବିଚାରକ ଆସନରେ ଅବତ୍ତିର୍ଣ୍ଣ। ଜୀବନ ଏକ ଚକ ପରି ବୁଲିବୁଲି ଆସି ସେହିଠାରେ ପହଞ୍ଚିଯାଇଛି, ଯେଉଁଠାରୁ ଆରମ୍ଭ ହୋଇଥିଲା। ମୁଁ ଏଥିପାଇଁ ଏହି ଶୋ’ରେ ବିଚାରକର ଭାର ତୁଲାଇବାକୁ ରାଜି ହୋଇଥିଲି, କାରଣ ଏକ ଶୋ’ରେ ଜଣେ ପ୍ରତିଯୋଗୀ ଭାବେ ସାମିଲ ହେବା ପରେ ସେହି ଶୋ’ର ବିଚାରପତି ଭାବେ କାର୍ଯ୍ୟ ତୁଲାଇବା ମୋ ପାଇଁ ନିଶ୍ଚୟ ଏକ ଭିନ୍ନ ଓ ଅଦ୍ଭୁତ ଅନୁଭବ।” ଆନନ୍ଦର ବିଷୟ ଏହା ଯେ ଯେତେବେଳେ ନେହା ପ୍ରତିଯୋଗୀ ଭାବେ ଆସିଥିଲେ ସେତେବେଳେ ମଧ୍ୟ ଶୋ’ରେ ବିଶାଲ ବିଚାରକ ଥିଲେ। ନେହା ବଦ୍ରୀନାଥ କି ଦୁଲ୍ହନିଆ…, କାଲାଚଷମା…, ଲଣ୍ଡନ ଠୁମକ୍ଦା… ଭଳି ଗୀତ ଗାଇ ଲୋକପ୍ରିୟତା ହାସଲ କରିଛନ୍ତି।
Popular Categories
Previous article
Next article