କାନ୍ବେରା : ଭାରତ, ଇଂଲଣ୍ଡ ଓ ଅଷ୍ଟ୍ରେଲିଆକୁ ନେଇ ଆୟୋଜିତ ତ୍ରିରାଷ୍ଟ୍ରୀୟ ମହିଳା ଟ୍ବେଣ୍ଟି-୨୦ ସିରିଜ୍ରେ ଶୁକ୍ରବାର ଭାରତର ମୁକାବିଲା ଇଂଲଣ୍ଡ ସହ ହେବ। ଆସନ୍ତା ଫେବୃଆରୀ ୨୧ରୁ ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଅଷ୍ଟ୍ରେଲିଆରେ ଟ୍ବେଣ୍ଟି୨୦ ବିଶ୍ବକପ୍ ଖେଳାଯିବାକୁ ଥିବାରୁ ଏହି ତ୍ରିରାଷ୍ଟ୍ରୀୟ ସିରିଜ୍ ଭାରତୀୟ ଦଳକୁ ଖେଳାଳିଙ୍କ ଦକ୍ଷତା ପରଖିବାକୁ ସୁଯୋଗ ଦେବ।
ସୂଚନାଥାଉକି ଭାରତୀୟ ଦଳ ୨୦୧୭ ଦିନିକିଆ ବିଶ୍ବକପ୍ର ଫାଇନାଲରେ ଇଂଲଣ୍ଡ ନିକଟରୁ ୯ ରନ୍ରେ ପରାସ୍ତ ହୋଇଥିଲା। ତେଣୁ ଟ୍ବେଣ୍ଟି୨୦ ବିଶ୍ବକପ୍ ଚମ୍ପିଆନ ହେବା ଲକ୍ଷ୍ୟରେ ଭାରତୀୟ ଦଳ ରହିଛି। ଭାରତୀୟ ମହିଳା ଟ୍ବେଣ୍ଟି୨୦ ଦଳର ଅଧିନାୟିକା ହରମନ୍ପ୍ରୀତ କୌର୍ କିଛିଦିନ ତଳେ କହିଥିଲେ ଖେଳାଳିମାନେ ଚାପର ବଶବର୍ତ୍ତୀ ହୋଇ ଭଲ ପ୍ରଦର୍ଶନ କରିପାରିଲେ ଭାରତ ଟ୍ବେଣ୍ଟି୨୦ ବିଶ୍ବକପ୍ ଚମ୍ପିଆନ୍ ହୋଇପାରିବ। ତ୍ରିରାଷ୍ଟ୍ରୀୟ ସିରିଜ୍ରେ ଭାରତୀୟ ଦଳ ଶକ୍ତିଶାଳୀ ଇଂଲଣ୍ଡ ଓ ଅଷ୍ଟ୍ରେଲିଆ ବିପକ୍ଷରେ ଖେଳିବାକୁ ଥିବାରୁ ଭାରତୀୟ ଖେଳାଳିମାନେ କିପରି ଚାପର ମୁକାବିଲା କରି ଭଲ ପ୍ରଦର୍ଶନ କରୁଛନ୍ତି ତାହା ଉପରେ ସମସ୍ତଙ୍କ ନଜର ରହିବ। ଭାରତୀୟ ମହିଳା ଦଳର ମୁଖ୍ୟ ପ୍ରଶିକ୍ଷକ ଡବ୍ଲ୍ୟୁଭି ରମଣ ନିଜ ପ୍ରତିକ୍ରିୟାରେ ତ୍ରିରାଷ୍ଟ୍ରୀୟ ସିିରିଜ୍ ଆସନ୍ତା ବିଶ୍ବକପ୍ ନିମନ୍ତେ ଭାରତୀୟ ଦଳକୁ ଉତ୍ତମ ଭାବେ ପ୍ରସ୍ତୁତି ପାଇଁ ସୁଯୋଗ ଦେଇଥିବା କହିଛନ୍ତି। ତ୍ରିରାଷ୍ଟ୍ରୀୟ ସିରିଜ୍ରେ ରିଚା ଘୋଷ ଏକମାତ୍ର ନୂଆ ମୁହଁ ଭାବେ ଭାରତୀୟ ଦଳରେ ସାମିଲ ହୋଇଛନ୍ତି। କିଛଦିନ ତଳେ ଖେଳାଯାଇଥିବା ମହିଳା ଚ୍ୟାଲେଞ୍ଜର୍ସ ଟ୍ରଫିର ଏକ ମ୍ୟାଚ୍ରେ ୨୬ଟି ବଲ୍ରୁ ୩୬ ରନ୍ କରିଥିବାରୁ ରିଚାଙ୍କୁ ଜାତୀୟ ଦଳରେ ସାମିଲ କରାଯାଇଛି। ଦଳରେ ଥିବା ୧୫ ବର୍ଷୀୟା ଶେଫାଳି ବର୍ମା କିପରି ପ୍ରଦର୍ଶନ କରୁଛନ୍ତି ତାହା ଦେଖିବାକୁ ବାକି ରହିଛି।
ତ୍ରିରାଷ୍ଟ୍ରୀୟ ମହିଳା ଟ୍ବେଣ୍ଟି-୨୦ ସିରିଜ୍ : ଭାରତ-ଇଂଲଣ୍ଡ ମ୍ୟାଚ୍ ଆଜି
Popular Categories
Previous article
Next article