ଭୁବନେଶ୍ୱର : ପୁରୀର ସାଂସ୍କୃତିକ ପରିମଣ୍ଡଳର ଅତୀତ ଓ ବର୍ତ୍ତମାନ ସର୍ବଦା ବୌଦ୍ଧିକ ଆଲୋଚନାର ପ୍ରସଙ୍ଗ ପାଲଟିଛି। ଏହି ପରିପ୍ରେକ୍ଷୀରେ ଡ.ଭାସ୍କର ମିଶ୍ରଙ୍କ ଲିଖିତ ପୁସ୍ତକ ‘ଶ୍ରୀକ୍ଷେତ୍ରର ସାଂସ୍କୃତିକ ଐତିହ୍ୟ’ ଗବେଷକ ତଥା ଜଗନ୍ନାଥ ସଂସ୍କୃତିପ୍ରେମୀଙ୍କ ନିମନ୍ତେ ଅତ୍ୟନ୍ତ ଉପାଦେୟ ସାବ୍ୟସ୍ତ ହେବ ବୋଲି ସୂଚନା ଓ ଲୋକ ସଂପର୍କ ବିଭାଗର ନିର୍ଦେଶକ କୃପାସିନ୍ଧୁ ମିଶ୍ର ଓ ‘ଉତ୍କଳ ପ୍ରସଙ୍ଗ’ ଏବଂ ‘ଓଡ଼ିଶା ରିଭ୍ୟୁ’ର ସଂପାଦକ ଡ. ଲେନିନ୍ ମହାନ୍ତି ମତବ୍ୟକ୍ତ କରିଛନ୍ତି।
ନିର୍ଦେଶକ ଶ୍ରୀ ମିଶ୍ର କହିଛନ୍ତି ଯେ ଶ୍ରୀକ୍ଷେତ୍ରର ପ୍ରାଚୀନତା, କ୍ଷେତ୍ର ମହାତ୍ମ୍ୟ, ବିବିଧ ପରମ୍ପରା, ବିଭିନ୍ନ ଦେବଦେବୀ ପୀଠ, ତୀର୍ଥ-ପୁଷ୍କରିଣୀ ଓ ସ୍ୱର୍ଗଦ୍ୱାର ଇତ୍ୟାଦି ଉପରେ ପୁସ୍ତକଟିରେ ସବିଶେଷ ଆଲୋକପାତ କରାଯାଇଛି । ଡ. ମହାନ୍ତି କହିଛନ୍ତି ଯେ ପୁସ୍ତକଟିରେ ପୁରୀ ସଂପର୍କରେ ଅତ୍ୟନ୍ତ ନିବିଡ଼ ଓ ସାରଗର୍ଭକ ଆଲେଖ୍ୟମାନ ସନ୍ନିବେଶିତ ହୋଇଛି। ଏଠାରେ ଉଲ୍ଲେଖଯୋଗ୍ୟ ଯେ ‘ଶ୍ରୀକ୍ଷେତ୍ରର ସାଂସ୍କୃତିକ ଐତିହ୍ୟ’ ପୁସ୍ତକଟିର ସଂପାଦନା ଓ ସଂକଳନ କରିଛନ୍ତି ଡ. ଭାସ୍କର ମିଶ୍ର। ଡ. ମିଶ୍ର ପୁସ୍ତକଟିରେ ପ୍ରଦାନ କରିଥିବା ତଥ୍ୟାବଳି ଗବେଷକ, ଅଧ୍ୟାତ୍ମବାଦୀ ଏବଂ ଜିଜ୍ଞାସୁ ପାଠକମାନଙ୍କୁ ସହାୟତା ପ୍ରଦାନ କରିବ ବୋଲି ଶ୍ରୀ ମିଶ୍ର ଓ ଡ. ମହାନ୍ତି ମତବ୍ୟକ୍ତ କରିଛନ୍ତି।
Comments are closed.