ନୂଆଦିଲ୍ଲୀ : ୱାୱେ ମେଟ ସିରିଜର ଦୁଇଟି ସ୍ମାର୍ଟଫୋନ ୱାୱେ ମେଟ-୩୦ ଏବଂ ମେଟ-୩୦ ପ୍ରୋ ଲଞ୍ଚ ହୋଇଛି। କମ୍ପାନୀ ତରଫରୁ ଗ୍ରାହକଙ୍କ ପାଇଁ ଏହି ଫୋନରେ ହାଲୋ ରିଙ୍ଗ ଡିଜାଇନ୍ ଦିଆଯାଇଛି। ଯେଉଁଥିରେ ଲେଇକା ଅକଟିକ୍ସ ରହିଛି। ଏହାବ୍ୟତୀତ ଦୁଇଟି ହେଡଫୋନ ସମ୍ପୂର୍ଣ୍ଣ ମାଗଣାରେ ମିଳିବ। ଭାରତରେ ଏହି ଫୋନ ଲଞ୍ଚ ହେବାକୁ ନେଇଁ ଏପର୍ୟ୍ୟନ୍ତ କୌଣସି ସୂଚନା ଦିଆଯାଇନାହିଁ।
ୱାୱେ ମେଟ-୩୦ର ୮ଜିବି ରାମ+୧୨୮ଜିବି ଇଣ୍ଟରନାଲ ଷ୍ଟୋରେଜ ଥିବା ମଡେଲର ମୂଲ୍ୟ ୬୩ହଜାର ଟଙ୍କା। ମେଟ-୩୦ ପ୍ରୋର ୮ଜିବି ରାମ+ ୨୫୬ଜିବି ଷ୍ଟୋରେଜ ମଡେଲର ମୂଲ୍ୟ ୮୬ହଜାର ୭୦୦ଟଙ୍କା।
ୱାୱେ ମେଟ-୩୦ର ବିଶେଷତ୍ଵ
ଏଥିରେ ଏମଆଇୟୁଆଇ ୧୦ଅପରେଟିଂ ସିଷ୍ଟମର ସପୋର୍ଟ ଦିଆଯାଇଛି। କମ୍ପାନୀର ଏହି ଫୋନରେ ୬.୬୨ଇଞ୍ଚର ଫୁଲ ଏଚଡି ପ୍ଲସ ଡିସପ୍ଲେ ଦିଆଯାଇଛି। ଯାହାର ରିଜୋଲ୍ୟୁସନ୍ ୧୦୮୦/୨୩୪୦ପିକ୍ସଲ ରହିଛି। ଫୋନରେ ଅକ୍ଟାକୋର ହାଇସିଲିକନ୍ କିରିନ୯୯୦ଚିପସେଟ ଦିଆଯାଇଛି।
ଏହାର କ୍ୟାମେରା ବିଷୟରେ କହିଲେ ଏଥଇରେ ଟ୍ରିପଲ ରିଅର କ୍ୟାମେରା ଦିଆଯାଇଛି।ଯେଉଁଥିରେ ୪୦ମେଗାପିକ୍ସେଲର ପ୍ରାଇମେରି କ୍ୟାମେରା, ୧୬ମେଗାପିକ୍ସେଲର ଅଲ୍ଟ୍ରା ୱାଇଣ୍ଡ ଆଙ୍ଗଲ ଏବଂ ୮ମେଗାପିକ୍ସେଲର ଟେଲିଫଟୋ ଲେନ୍ସ ମିଳିବ। ଏହା ସହିତ ଏଥିରେ ୨୪ମେଗାପିକ୍ସେଲର ସେଲଫି କ୍ୟାମେରା ଦିଆଯାଇଛି।
ଫୋନରେ ସଂଯୋଗ ପାଇଁ ୱାଇ-ଫାଇ, ବ୍ଲୁଟୁଥ ୫.୦, ଜିପିଏସ ଏବଂ ୟୁଏସବି ପୋର୍ଟ ଭଳି ଫିଚର୍ସ ଦିଆଯାଇଛି। ଏଥିରେ ୪୨୦୦ଏମଏଚ୍ ବ୍ୟାଟେରୀ ରହିଛି।
ୱାୱେ ମେଟ-୩୦ପ୍ରୋ
ଏଥିରେ ୬.୫୩ଇଞ୍ଚର ଫୁଲ ଏଚଡି ପ୍ଲସ ଫ୍ଲାକ୍ସ ଓଏଲଇଡି ହରିଜୋନ ଡିସପ୍ଲେ ମିଳିବ, ଯାହାର ରିଜୋଲ୍ୟୁସନ ୧୧୭୬/୨୪୦୦ପିକ୍ସଲ ରହିଛି। ଫୋନରେ ଅକ୍ଟାକୋର ହାଇସିଲିକନ୍ କିରିନ୍ ୯୯୦ପ୍ରୋସେସର ଦିଆଯାଇଛି।
ଫୋନରେ ଟ୍ରିପଲ ରିଅର କ୍ୟାମେରା ରହିଛି। ଯେଉଁଥିରୁ ୪୦ମେଗାପିକ୍ସେଲର ପ୍ରାଇମେରି କ୍ୟାମେରା, ୪୦ମେଗାପିକ୍ସେଲର ଅଲ୍ଟ୍ରା ୱାଇଣ୍ଡ ଆଙ୍ଗଲ ଏବଂ ୮ମେଗାପିକ୍ସେଲ ୩ଡି ଡେପ୍ଥ ସେନସର ସାମିଲ ରହିଛି। ଏହାସହିତ ଫୋନରେ ୩୨ମେଗାପିକ୍ସେଲର ସେଲଫି କ୍ୟାମେରା ଦିଆଯାଇଛି।
ଫୋନରେ ସଂଯୋଗ ପାଇଁ ୱାଇ-ଫାଇ, ବ୍ଲୁଟୁଥ ୫.୦, ଜିପିଏସ୍ ଏବଂ ୟୁଏସବି ପୋର୍ଟ ଭଳି ଫିଚର୍ସ ଦିଆଯାଇଛି। ଏହାବ୍ୟାତୀତ ୪ହଜାର ୫୦୦ଏମଏଚ୍ ବ୍ୟାଟେରୀ ରହିଛି।
