ଭୁବନେଶ୍ୱର : ତାତିରୁ ତ୍ରାହି ମିଳୁନି। ସକାଳ ୮ଟାରୁ ଘରୁ ବାହାରି ହେଉନାହିଁ। ପ୍ରବଳ ଗୁଳିଗୁଳି ସାଙ୍ଗକୁ ଭୀଷଣ ଖରା। କଟକ ଓ ଭୁବନେଶ୍ବରରେ ହିଟ୍ ୱେଭ୍ ୱାର୍ଣ୍ଣି ସହ କିଛି ସ୍ଥାନରେ ପ୍ରବଳ ଖରା ହେବ ବୋଲି ପାଣିପାଗ ବିଭାଗର ଆକଳନ କରାଯାଇଛି। ଆଗାମୀ ୩ଦିନ ଯାଏଁ ଦିନ ତାପମାତ୍ରାରେ ବିଶେଷ ପରିବର୍ତ୍ତନର ସମ୍ଭାବନା ନାହିଁ । ଆଜି ସକାଳ ୫ ଟା ୩୦ ସୁଦ୍ଧା ରାଜଧାନୀ ଭୁବନେଶ୍ୱର ରେ ୩୦.୨ ଡ଼ିଗ୍ରୀ ତାପମାତ୍ରା ୯୨% ଆଦ୍ରତା ରେକର୍ଡ ହୋଇଚି । ଆଜି ପାଇଁ ୧୫ଜିଲା କୁ ଅରେଞ୍ଜ, ୫ଜିଲାକୁ ୟେଲୋ ଆଲର୍ଟ ଜାରି କରିଛି ପାଣିପାଗ କେନ୍ଦ୍ର । ଝାରସୁଗୁଡା, ସୁନ୍ଦରଗଡ, କେନ୍ଦୁଝର, ସମ୍ବଲପୁର, ବରଗଡ, ବଲାଙ୍ଗୀର, ସୋନପୁର, ନୂଆପଡା, କନ୍ଧମାଳ, କଟକ, ଖୋର୍ଦ୍ଧା, କଳାହାଣ୍ଡି, ଅନୁଗୁଳ, ଦେବଗଡ ଓ ବୌଦ୍ଧକୁ ସତର୍କତା ଜାରି କରାଯାଇଛି। ଖରା ସମୟରେ ଘରୁ ନବାହାରିବାକୁ ପରାମର୍ଶ ଦେଇଛି ପାଣିପାଗ କେନ୍ଦ୍ର ।
Comments are closed.