ଶୋଇଥିବା ସମୟରେ ଚଢିଗଲା ଟ୍ରକ ; ୩ ଶ୍ରମିକ ମୃତ

ହରିୟାଣା : ହରିୟାଣାର ବହାଦୁରଗଡରେ କୁଣ୍ଡଳୀ-ମାନେସର-ପଲବଲ ଏକ୍ସପ୍ରେସୱେରେ ଏକ ବଡ ଧରଣର ସଡକ ଦୁର୍ଘଟଣା ଘଟିଛି ବୋଲି ଗୁରୁବାର ଜଣାପଡିଛି । ଆସୌଦା ଟୋଲ ଗେଟ୍‍ ନିକଟରେ ଏକ ଟ୍ରକ ଶୋଇଥିବା ସମୟରେ ଶ୍ରମିକଙ୍କ ଉପରେ ଚଢିଯାଇଥିଲା । ଏଥିରେ ୩ ଜଣ ଶ୍ରମିକଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ଏହାସହ ୧୧ ଜଣ ଆହତ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଦୁର୍ଘଟଣା ଭୋର ସାଢେ ୫ଟାରେ ହୋଇଥିଲା । ବିଳମ୍ବିତ ରାତି ଯାଏଁ ଉକ୍ତ ସ୍ଥାନରେ ସଡକ କାମ କରି ଥକ୍କି ଯାଇ ଶ୍ରମିକମାନେ ଶୋଇଥିବା ସମୟରେ ଟ୍ରକ ସେମାନଙ୍କ ଉପରେ ଚଢି ଯାଇଥିଲା ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି ।