ଗ୍ବାଲିୟର : ପ୍ରଥମ ଟି-୨୦ରେ ଜିତିଲା ଭାରତ। ୪୯ ବଲ ବାକି ଥାଇ ୭ ୱିକେଟରେ ଜିତିଛି ଭାରତ।ହାର୍ଦ୍ଦିକ ପାଣ୍ଡ୍ୟା ଧୂଆଁଧାର ବ୍ୟାଟିଂ କରିଛନ୍ତି ଏବଂ ୧୬ ବଲରୁ ୩୯ ସହ ବିଜୟ ସୂଚକ ଛକା ମାରିଛନ୍ତି। ସେହିପରି। ସଞ୍ଜୁ ଓ ସୂର୍ଯ୍ୟ କୁମାର ୨୯ ଲେଖାଏଁ ରନ କରିଛନ୍ତି। ଅର୍ଶଦୀପ ଓ ବରୁଣଙ୍କୁ ସର୍ବାଧିକ ୩ଟି ଲେଖାଲଁ ୱିକେଟ। ହାର୍ଦ୍ଦିକ, ମୟଙ୍କ ଓ ୱାଶିଂଟନଙ୍କୁ ଗୋଟିଏ ଲେଖାଲଁ ୱିକେଟ।
ଗ୍ବାଲିୟରର ମାଧବ ରାଓ ସିନ୍ଧିଆ କ୍ରିକେଟ ଷ୍ଟାଡିୟମଠାରେ ଖେଳାଯାଇଥିବା ପ୍ରଥମ ଟି-୨୦ରେ ବାଂଲାଦେଶକୁ ୭ ଓ୍ବିକେଟରେ ଭାରତ ପରାସ୍ତ କରିଛି। ବାଂଲାଦେଶ ଦ୍ବାରା ୧୨୮ ରନର ଲକ୍ଷ୍ୟ ରଖାଯାଇଥିବାବେଳେ ଭାରତ ମାତ୍ର ୧୧.୫ ଓଭର ଖେଳି ୧୩୨ ରନ କରି ବିଜୟୀ ହୋଇଥିଲା । ଦଳ ପକ୍ଷରୁ ସଂଜୁ ସାମସନ ଓ ସୂର୍ଯ୍ୟକୁମାର ଯାଦବ ୨୯ ରନ ଲେଖାଏଁ କରିଥିବାବେଳେ ହାର୍ଦ୍ଦିକ ପାଣ୍ଡ୍ୟା ୩୯ ରନ କରିଥିଲେ । ଅଭିଷେକ ଶର୍ମା ଓ ନୀତୀଶ ରେଡ୍ଡୀ ୧୬ ରନ ଲେଖାଏଁ କରିଥିଲେ ।
ଏହି ମ୍ୟାଚରେ ଭାରତ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ଭାରତକୁ ୧୨୮ ରନର ଟାର୍ଗେଟ ଦେଇଥିଲା ବାଂଲାଦେଶ। ଭାରତ-୧୩୨/୩, ବାଂଲାଦେଶ ୧୨୭ରେ ଅଲଆଉଟ।
Comments are closed.