ନୂଆଦିଲ୍ଲୀ : ନେପାଳରେ ମଙ୍ଗଳବାର ସକାଳେ ଅନୁଭୂତ ହୋଇଥିବା ଶକ୍ତିଶାଳୀ ଭୂକମ୍ପରେ ଏଯାଏଁ ପ୍ରାୟ ୩୦ରୁ ଅଧିକ ଜଣଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ସକାଳେ ୬ଟା ୩୫ରେ ଅନୁଭୂତ ହୋଇଥିବା ୭.୧ ତୀବ୍ରତାର ଶକ୍ତିଶାଳୀ ଭୂକମ୍ପ ଲଗାତାର ୭ ଥର ଅନୁଭୂତ ହୋଇଥିଲା । ଏଥିରେ ଅନେକ ବୃହତ୍ତକାୟ କୋଠା ଭୁଶୁଡିବାରୁ ଏହାତଳେ ଚାପି ହୋଇ ୩୦ରୁ ଅଧିକ ଜଣଙ୍କ ମୃତ୍ୟୁ ହୋଇଛି । ଏବେ ମଧ୍ୟ ଭଗ୍ନାବଶେଷ ତଳେ ଅନେକ ଚାପି ହୋଇ ରହିଥିବା ସୂଚନା ମିଳିଛି । ଫଳରେ ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ଅନୁମାନ କରାଯାଉଛି । ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।
HMPV का डर अभी दिल से निकला नहीं था तब तक भूकंप ने दस्तक दे दी!!
सुबह सुबह जब लोग सोए हुए थे धरती हिल गई!
आपदाएं किस्तों में क्यों भेज रहे हो प्रभु एक साथ ही भेज दो हम भी परेशान हो लिए अब!#earthquake #delhiNCR #Bihar #HMPV#Nepal pic.twitter.com/cPE2vpmV1Q
— 🖤⃝𝐒𝐨𝐧𝐮 (@jhatiri) January 7, 2025
ଆଜି ସକାଳେ ନେପାଳ, ବାଙ୍ଗଲାଦେଶ, ଚୀନ ସମେତ ଉତ୍ତର ଭାରତର ଅନେକ ସ୍ଥାନରେ ଭୂକମ୍ପ ଝଟକା ଅନୁଭୂତ ହୋଇଛି । ରାଜଧାନୀ ଦିଲ୍ଲୀ ଠାରୁ ଆରମ୍ଭ କରି ଉତ୍ତର ଭାରତର ଅନେକ ସହରରେ ଭୂକମ୍ପ ଝଟକା କାରଣରୁ ଲୋକେ ଭୟରେ ନିଜ ନିଜ ଘରୁ ବାହାରକୁ ପଳାଇ ଆସିଥିଲେ ।
ଦେଶରେ ବୃଦ୍ଧି ପାଉଛି ଏଚ୍ଏମ୍ପିଭି ଭୂତାଣୁ ; ଆଉ ୨ ଚିହ୍ନଟ, ମୋଟ ସଂକ୍ରମିତ ୮
୨୦୧୫ରେ ନେପାଳରେ ଅନୁଭୂତ ହୋଇଥିବା ଶକ୍ତିଶାଳୀ ଭୂକମ୍ପରେ ପ୍ରାୟ ୯ ହଜାର ଲୋକଙ୍କ ମୃତ୍ୟୁ ହେବା ସହ ୨୨ ହଜାରରୁ ଅଧିକ ଲୋକେ ଆହତ ହୋଇଥିଲେ । ଲକ୍ଷ ଲକ୍ଷ ଘର ଦ୍ୱାର କ୍ଷତିଗ୍ରସ୍ତ ହୋଇ ଯାଇଥିଲା ।
