ନୂଆଦିଲ୍ଲୀ: ଆଜି ଘୋଷଣା ହେବ ଦିଲ୍ଲୀ ନିର୍ବାଚନ ତାରିଖ। ଅପରାହ୍ନ ୨ଟାରେ ନିର୍ବାଚନ ଆୟୋଗଙ୍କ ପ୍ରେସ୍ମିଟ୍ ରହିଛି। ଏଥିରେ ଦିଲ୍ଲୀ ପାଇଁ ତାରିଖ ଘୋଷଣା କରିପାରନ୍ତି ନିର୍ବାଚନ କମିଶନ । ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା କାର୍ଯ୍ୟକାଳ ଆସନ୍ତା ଫେବୃଆରୀ ୨୩ ତାରିଖରେ ଶେଷ ହୋଇଛି। ତେଣୁ ତା ପୂର୍ବରୁ ନିର୍ବାଚନ ଅନୁଷ୍ଠିତ ହେବ। ପୂର୍ବରୁ ଦିଲ୍ଲୀରେ ଗୋଟିଏ ପର୍ଯ୍ୟାୟରେ ନିର୍ବାଚନ ହୋଇଆସୁଛି , କିନ୍ତୁ ଏଥର କେତୋଟି ପର୍ଯ୍ୟାୟରେ ଭୋଟ୍ ହେବ , ତା ଉପରେ ସମସ୍ତଙ୍କର ନଜର ରହିଛି। ଚଳିତବର୍ଷ ଦିଲ୍ଲୀରେ ତ୍ରିମୁଖୀ ଲଢେଇ ହେବ। ମୁଖ୍ୟତଃ ଆମ୍ ଆଦମୀ ପାର୍ଟି, ଭାରତୀୟ ଜନତା ପାର୍ଟି ଏବଂ କଂଗ୍ରେସ ଭିତରେ ମହା ଲଢେଇ ହେବ। ଦିଲ୍ଲୀରେ ୧ କୋଟି ୫୫ ଲକ୍ଷରୁ ଅଧିକ ଭୋଟର ଅଛନ୍ତି। ଏମାନଙ୍କ ମଧ୍ୟରୁ ପୁରୁଷ ଭୋଟରଙ୍କ ସଂଖ୍ୟା ୮୩ ଲକ୍ଷ ୪୯ ହଜାରରୁ ଅଧିକ । ଏବଂ ମହିଳା ଭୋଟରଙ୍କ ସଂଖ୍ୟା ୭୧ ଲକ୍ଷ ୭୩ ହଜାରରୁ ଅଧିକ ଥିବା ସୂଚନା ମିଳିଛି।
Comments are closed.