କଖଡି ପଞ୍ଚାୟତରେ ଆଇନ ସଚେତନତା ଶିବିର

ଗୁରୁଡ଼ିଝାଟିଆ: କଖଡି ପଞ୍ଚାୟତ ପକ୍ଷରୁ ସ୍ଥାନୀୟ କଲ୍ୟାଣ ମଣ୍ଡପ ଠାରେ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଛି। ସରପଞ୍ଚ କଳ୍ପନା ଛତାରଙ୍କ ଅଧ୍ୟକ୍ଷତାରେ ଆୟୋଜିତ ଏହି ସଚେତନତା କାର୍ଯ୍ୟକ୍ରମରେ ଆଠଗଡ଼ ବାର ଆସୋସିଏସନର ସଭାପତି ସତ୍ୟେନ ପଣ୍ଡା ମୁଖ୍ୟ ଅତିଥି ଭାବରେ ଯୋଗଦେଇ ଆଇନର ବିଭିନ୍ନ ଦିଗ ସଂପର୍କରେ ଆଲୋଚନା କରିବା ସହିତ ଆଇନ ସମସ୍ତଙ୍କ ପାଇଁ ସମାନ, କେଉଁମାନେ ତାଲୁକସ୍ତରୀୟ ଆଇନସେବା ପକ୍ଷରୁ ସହାୟତା ପାଇପାରିବେ ସେ ସଂପର୍କରେ କହିଥିଲେ।

ଆଠଗଡ଼ ବାର କାଉନସିଲର ପୂର୍ବତନ ସଂପାଦକ ମନୋରଞ୍ଚନ ମହାନ୍ତି, ଆଇନଜୀବି ଶିଶିର କୁମାର ବିଶ୍ୱାଳ, ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ ଓ କଖଡି ଗ୍ରାମ୍ୟ କମିଟି ସଭାପତି ଦିଲ୍ଲିପ ଛତାର ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ। ଏହି ଶିବିରରେ ପଞ୍ଚାୟତର ଜନସାଧାରଣଙ୍କ ବିଭିନ୍ନ ସମାସ୍ୟାର ସମାଧାନ କରାଯାଇଥିଲା। ମାୟାଧର ଦଳାଇ, ପ୍ରଫୁଲ କୁମାର ମୁଦୁଲି, ବିଷ୍ଣୁଚରଣ ମହାରଣା, ଗଙ୍ଗାଧର ବେହେରା, ରଞ୍ଜନ କୁମାର ମୁଦୁଲି, ବ୍ରଜରାଜ ଖଟୁଆ, ସୁରେନ୍ଦ୍ର ମହାନ୍ତି, ଅନାମ ଚରଣ ସାହୁ ପ୍ରମୁଖ ଯୋଗଦେଇ ସକ୍ରିୟ ଅଂଶଗ୍ରହଣ କରିଥିଲେ।

Comments are closed.