ଗୁରୁଡ଼ିଝାଟିଆ: ରାଧାକିଶୋରପୁରସ୍ଥିତ ଜମ୍ବେଶ୍ୱର ବିଦ୍ୟାପୀଠର ମାଟ୍ରିକ ବିଦ୍ୟାର୍ଥୀମାନକୁ ଆଜି ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି। ବିଦ୍ୟାଳୟର ପ୍ରଧାନଶିକ୍ଷକ ନିରଞ୍ଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବିଦାୟ ଉତ୍ସବରେ ସ୍ଥାନୀୟ ସରପଞ୍ଚ ବିନୋଦ କୁମାର ମାଝି ମୁଖ୍ୟ ଅତିଥି ଭାବରେ ଯୋଗଦେଇ ବିଦ୍ୟାର୍ଥୀମାନଙ୍କ ସଫଳତା କାମନା କରିବା ସହିତ ସମସ୍ତଙ୍କୁ ପୁଷ୍ପଗୁଚ୍ଛ ପ୍ରଦାନ କରିଥିଲେ। ଦୃଢମନୋବଳ ରଖି ସଦା ସକାରାତ୍ମକ ଭାବନା ନେଇ ପରୀକ୍ଷାକେନ୍ଦ୍ରକୁ ଯିବା ସହ ଭଲକରି ନିଜ ଗାଁ, ବିଦ୍ୟାଳୟ ଓ ରାଜ୍ୟର ନାମ ରଖିବା ପାଇଁ କହିଥିଲେ। ସମିତିସଭ୍ୟ ବିଧାନଚନ୍ଦ୍ର ସ୍ୱାଇଁ, ପ୍ରବୋଧ କୁମାର ସ୍ୱାଇଁ, ନିଳମଣୀ ନାୟକ, ଗଦାଧର ବେହେରା, ସଞ୍ଜିତ ରାଉଳ ପ୍ରମୁଖ ଅତିଥି ଭାବରେ ଯୋଗଦେଇ ବିଦ୍ୟାର୍ଥୀମାନଙ୍କ ମାଟ୍ରିିକ ପରୀକ୍ଷାରେ ସଫଳତା କାମନା କରିଥିଲେ। ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟିତ୍ରୀ, ସ୍ଥାନୀୟ ଅଞ୍ଚଳର ବୁଦ୍ଧିଜୀବି ଓ ପୁରାତନ ବିଦ୍ୟାର୍ଥୀମାନେ ଯୋଗ ଦେଇଥିଲେ।
Comments are closed.