ମାଈହାତୀ ମୃତ୍ୟ ପରେ ଖୋଜୁଛି ଦନ୍ତା ; ବନ ବିଭାଗ ନାକେଦମ୍

ଗୁଣୁପୁର : ଗୁଣୁପୁର ରେଞ୍ଜ ପଦ୍ମପୁର ସେକ୍ସନରେ ଗତକାଲି ଫୁଲପୁଟି ଠାରେ ଦୁଇ ଟିକିଆ ହାତୀପଲରୁ ଗୋଟିଏ ମାଈହାତୀର ମୃତ୍ୟୁ ଘଟିଥିଲା। ହାତୀ ଦ୍ବୟ ପାଖ କପା ବାଡରେ ଥିବା କୁଡିଆ ଓ ବିଦ୍ୟୁତ୍ ଖୁଣ୍ଟକୁ ଭାଙ୍ଗି ଥିଲେ। ବିଦ୍ୟୁତ ଆଘାତରେ ମାଈହାତୀ ମୃତ୍ୟୁ ହୋଇଥିବା ବନ ବିଭାଗ ଅଧିକାରୀଙ୍କ ପକ୍ଷରୁ ଜଣାପଡିଥିଲା। ମାଈହାତୀ ମୃତଦେହକୁ ବ୍ୟବଚ୍ଛେଦ କରାଇଛି ବନ ବିଭାଗ। ହାତୀ ମୃତ୍ୟ ପରେ ସାଥିରେ ଥିବା ଦନ୍ତାହାତୀ ପୁଣି ଅଞ୍ଚଳରେ ବିଳମ୍ବିତ ରାତ୍ରିରେ ନାକେଦମ୍ କରୁଛି। ବନ ବିଭାଗର କର୍ମଚାରୀ ଜଗି ରହୁଛନ୍ତି। ଭୀମପୁର ଆର୍ ଏସ୍ ର ସାମା ଗ୍ରାମ ନିକଟରେ ଏକାକୀ ଦନ୍ତା ହାତୀ ରହିଥିବା ବନ ବିଭାଗ ଜାଣି ପାରିଛି। ହାତୀର ଗତି ବିଧିକୁ ଟ୍ରାକିଂ କରାଯାଉଛି। କ୍ଷତି ଘଟିଥିବା ଜମିର ମାଲିକଙ୍କ ସହ ଯୋଗାଯୋଗ କରି କ୍ଷୟକ୍ଷତି ଆକଳନ କରୁଛି ବନ ବିଭାଗ। ହାତୀ ମୃତ୍ୟୁ ପରଠୁ ପଦ୍ମପୁର ପାଖ ଗ୍ରାମ ମାଲାପଦର ଓ ଝୁମ୍ପାପୁର ଠାରେ ତିନି ଦିନ ବିଦ୍ୟୁତ ସେବା ବନ୍ଦ ରହିଛି। ପାଖ ଗ୍ରାମ ଗୁଡିକରେ ଭୟଭୀତ ରହିଛନ୍ତି ଗ୍ରାମବାସୀ। ଲୋକଙ୍କୁ ସତର୍କ ରହିବା ପାଇଁ ସଚେତନ କରାଇଛି ବନ ବିଭାଗ। ସାଥି ମାଈହାତୀର ମୃତ୍ୟ ପରେ ଦନ୍ତା ହାତୀ ଏକାକି ହୋଇଥିବାରୁ ହାତୀ ଉତ୍ୟକ୍ତ ରହିଥିବା ଅନୁମାନ କରୁଛି ବନବିଭାଗ। ହାତୀର ଗତି ବିଧି ଉପରେ ନଜର ରଖିଛି ।

ଖାଲି ଧନୀ ତାଲିକାରେ ନୁହେଁ ; ଜାଣନ୍ତୁ କେଉଁ ବଲିଉଡ୍‌ କଳାକାର ଦେଇଛନ୍ତି ସର୍ବାଧିକ ଆୟକର?