ଗୋପାଳପୁର: ଗତ ୧୪ତାରିଖ ମଧ୍ୟ ରାତ୍ରରେ ଗୋଳନ୍ଥରା ଥାନା ଅଧୀନ ହଳଦିଆପଦରର ପାର୍କିଂ ଅବସ୍ଥାରେ ଥିବା ଏକ ଟ୍ରକ ଚୋରି ହୋଇଥିବା ବେଳେ ଆଜି ଗୋଳନ୍ଥରା ପୋଲିସ ଉକ୍ତ ଟ୍ରକକୁ ଠାବ କରିଵା ସହ ଚୋରି କରିଥିବା ଅଭିଯୁକ୍ତକୁ ପୋଲିସ ଗିରଫ କରିଥିବା ଜଣା ପଡିଛି। ଗିରଫ ଅଭିଯୁକ୍ତ ଜଣଙ୍କ ହେଲେ କଟକ ସଦର ଥାନା ଅନ୍ତର୍ଗତ ଗୋପାଳପୁର ବାଲିକୁଦା ମାଷ୍ଟର କଲୋନୀର କୁଖ୍ୟାତ ଅପରାଧୀ ଗୋବିନ୍ଦ ଚନ୍ଦ୍ର ରାଉତ ବୋଲି ପୋଲିସ ସୂଚନା ଦେଇଛି।
ଚୋରି ଟ୍ରକଟି ଗୋରାପଲ୍ଲୀ ଟୋଲ ଗେଟ ନିକଟରେ ଥିବା ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଗୋଳନ୍ଥରା ଥାନା ଅଧିକାରୀ ବିବେକାନନ୍ଦ ସ୍ୱାଇଁଙ୍କ ନିର୍ଦେଶ କ୍ରମେ ଏସଆଇ ଗଗନ କୁମାର ବେହେରା ନେତୃତ୍ୱରେ ଏକ ପୋଲିସ ଟିମ ଜଙ୍କିଆ ଥାନା ଅଧୀନ ଗୋଡିପଡା ଗାଁ ନିକଟରେ ଟ୍ରକକୁ ଠାବ କରିଵା ସହ ଗୋବିନ୍ଦକୁ ଗିରଫ କରିଥିବା ବେଳେ ଅନ୍ୟ ଜଣେ ଅଭିଯୁକ୍ତ ଚମ୍ପଟ ମାରିଥିଲା। ଆଜି ପୋଲିସ ଅଭିଯୁକ୍ତ ଗୋବିନ୍ଦ କୁ ଅଦାଲତ ଚାଲାଣ କରିଥିବା ସୂଚନା ମିଳିଛି। ଗିରଫ ଗୋବିନ୍ଦଙ୍କ ନାଁରେ ବିଭିନ୍ନ ଥାନାରେ ୧୧ ଗୋଟି ବିଭିନ୍ନ ଅପରାଧିକ ମାମଲା ରହିଛି। ଚମ୍ପଟ ମାରିଥିବା ଗୋବିନ୍ଦର ସହଯୋଗୀକୁ ଖୁବ ଶୀଘ୍ର ଗିରଫ କରା ଯିବ ବୋଲି ଥାନାଧିକାରୀ ଶ୍ରୀ ସ୍ୱାଇଁ ସୂଚନା ଦେଇଛନ୍ତି।
Comments are closed.