ଗୋପାଳପୁର: ଆସନ୍ତା ୧୮ ତାରିଖରେ ରଙ୍ଗେଇଲୁଣ୍ଡା ବ୍ଲକରେ ପଞ୍ଚାୟତ ନିର୍ବାଚନ ନିମନ୍ତେ ଭୋଟ ଗ୍ରହଣ ଅନୁଷ୍ଠିତ ହେବ। ଏହା ମଧ୍ୟରେ ଆଉ ୧୦ ଦିନ ବାକି ରହିଥିବା ବେଳେ ଗାଁ ଗାଁରେ ପ୍ରଚାର ଜମିବା ଦେଖା ଦେଇଛି। କିନ୍ତୁ ଏହା ମଧ୍ୟରେ ପୁଲିସ ପକ୍ଷରୁ କେତକ ଗାଁର ବୁଥକୁ ଅତି ସମ୍ବେଦନଶୀଳ ଓ ସମ୍ବେଦନଶୀଳ ବୁଥକୁ ଚିହ୍ନଟ କରାଯାଇଛି। ଏହି କ୍ରମରେ ମଙ୍ଗଳବାର ବ୍ରହ୍ମପୁର ଆରକ୍ଷୀ ଅଧିକ୍ଷକ ପିନାକ ମିଶ୍ର କୋଳିଥି ଗାଁ, କୋଠରାସିଂ ସମେତ ଚିକିଟି ବ୍ଲକ ଅନ୍ତର୍ଗତ ପିତାତଳୀ ଏବଂ ମାଧବନ୍ଧ ପ୍ରଭୃତି ଗ୍ରାମ ଗସ୍ତ କରି ସ୍ଥାନୀୟ ଲୋକଙ୍କ ସହ ଆଲୋଚନା କରିବା ସହ କୈାଣସି ସମୟରେ ମଧ୍ୟ କୈାଣସି ରାଜନୈତିକ ହିଂସା କିମ୍ବା ଅସାମାଜିକ କାର୍ଯ୍ୟକଳାପ ହେବାର ଆଶଙ୍କା ରହିଥିଲେ ତୁରନ୍ତ ସ୍ଥାନୀୟ ପୁଲିସକୁ ଅବଗତ କରାଇବାକୁ ଲୋକଙ୍କୁ ଅନୁରୋଧ କରିଥିଲେ। ଏହି ଗସ୍ତ ସମୟରେ ବ୍ରହ୍ମପୁର ସଦର ଏସଡିପିଓ ଶିବ ଶଙ୍କର ମହାପାତ୍ରଙ୍କ ସମେତ ଗୋଳନ୍ଥରା ଥାନା ଆଇଆଇସି ବିବେକାନନ୍ଦ ମହନ୍ତ ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article