ଭୁବନେଶ୍ୱର: ମଧ୍ୟ ପ୍ରାଚ୍ୟରେ ରହୁଥିବା ଓଡିଆମାନଙ୍କର ସଂଗଠନ ଗଲ୍ଫ ଓଡିଆ ଆସୋସିଏସନ୍ (ଗୋଆ)ର ବାର୍ଷିକ ଉତ୍ସବ ଓ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାଜଧାନୀରେ ଏକ ତାରକା ହୋଟେଲ୍ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସାଉଦି ଆରବ, ଓମାନ, ବାହାରିନ୍, ରିୟାଦ, ଆବୁଧାବିରେ ଥିବା ବହୁ ଓଡିଆ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ । ନିଜ ମାତୃଭୂମି ପ୍ରତି ଥିବା ଶ୍ରଦ୍ଧା ଓ ଭକ୍ତି ଭାବ ଉଦେଶ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏହି ଅବସରରେ ଓଡିଶୀ ନୃତ୍ୟ ଓ ସଂଗୀତ ପରିବେଷଣ କରାଯାଇଥିଲା । ସଂଗଠନର ସଦସ୍ୟ ଅଜୟକୁମାର ଦାସ, ମିର୍ଜା ମୁସ୍ତାଫା ବେଗ୍, ଜୟନ୍ତ ମହାପାତ୍ର, ପ୍ୟାରୀ ମୋହନ ମଲ୍ଲିକ ଓ ବନ ବିହାରୀ ମହାନ୍ତି ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।