ଘଣ୍ଟାପଡା: ଗତକାଲି ସନ୍ଧ୍ୟାରେ ଘଣ୍ଟାପଡା ଫାଣ୍ଡି ପୁଲିସ ଦେଓଗାଁ- ଯାମୁଟ ବ୍ରିଜ ନିକଟରୁ ସନ୍ଦେହରେ ଏକ ଗାଡିକୁ ଆଣି ଅଟକ ରଖିଥିଲା। ରାତିରେ କଣ୍ଟାମାଳ ଥାନା ଦାୟିତ୍ୱରେ ଥିବା ଡିଏସପି ତପସ୍ୱିନୀ କହଁରଙ୍କ ଉପସ୍ଥିତରେ ଗାଡିର ଡ଼ିକି ଖୋଲାଯାଇଥିଲା। ଗାଡି ଭିତରୁ ୭୦କେଜି ଗଞ୍ଜେଇ ବାହାରିଥିଲା।
ସୂଚନା ପ୍ରକାରେ ଏକ ଆକ୍ଟିଭାରେ ଯାଉଥିବା ବ୍ୟକ୍ତି ପୁଲିସକୁ ହଠାତ ଫେରାର ହୋଇଥିଲେ। ଏହାପରେ ସେହି ଆକ୍ଟିଭାକୁ ପୁଲିସ ଘଣ୍ଟାପଡା ଫାଣ୍ଡିକୁ ଆଣିଥିଲା। ଫେରାର ବ୍ୟକ୍ତିଙ୍କୁ ବଲାଙ୍ଗୀର ଜିଲା ସିନ୍ଦୁରମୁଣ୍ଡା ଗ୍ରାମରୁ ତୁଷୁରା ଥାନା ପୁଲିସ ଗିରଫ କରି ଘଣ୍ଟାପଡା ପୁଲିସକୁ ହସ୍ତାନ୍ତର କରିଥଲା। ସେମାନେ ହେଲେ ଶଙ୍କରପୁର ଗ୍ରାମର ରାଜେଶ ସିଂହ(୫୧), କଣ୍ଟାମାଳ ଥାନା ଖେମୁଣ୍ଡିଗଡ଼ ଗ୍ରାମର ମିଥୁନ ଦିସିରି(୨୨), ସୋନପୁର ଜିଲା ତରଭାର ପୂର୍ଣ୍ଣଚନ୍ଦ୍ର ରଣା(୨୬), ଏବଂ ଡୁଙ୍ଗୁରିପାଲି ର ବଳରାମ ରଣା(୨୧) ବୋଲି ଜଣାପଡିଛି l ସେମାନଙ୍କ ନିକଟରୁ ଚାରିଟି ମୋବାଇଲ ସହ ନଗଦ କୋଡିଏ ହଜାର ଟଙ୍କା ଜବତ କରାଯାଇଛି ଏବଂ ଏକ ମାମଲା ରୁଜୁ କରି ସମସ୍ତଙ୍କୁ କୋର୍ଟ ଚାଲାଣ କରାଯାଇଥିବା କଣ୍ଟାମାଳ ଥାନା ଦାଇତ୍ୱରେ ଥିବା ଡ଼ିଏସପି ତପସ୍ୱିନୀ କହଁର ସୂଚନା ଦେଇଛନ୍ତି।
Comments are closed.