ମୋହନା : ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ଜୟରାମ ଶତପଥିଙ୍କ ନିର୍ଦ୍ଦେଶ କ୍ରମେ ଅଡବା ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ର ଓ ତାଙ୍କ ଟିମ୍ ରାତ୍ରକାଳୀନ ପାଟ୍ରୋଲିଙ୍ଗ କରୁଥିବା ବେଳେ ଅଡବା ଥାନା ଅନ୍ତର୍ଗତ ଝରଣପୁର ଛକ ନିକଟରେ ଏକ ଟାଟା ୪୦୭ ଗାଡ଼ି ଅଟକି ରହିଥିବା ଦେଖି ଗାଡି ନିକଟକୁ ଯିବା ସମୟରେ ପୁଲିସକୁ ଦେଖି ଚାଳକ ଓ ବେପାରି ଗାଡି ନିକଟରୁ ଦୌଡି ଚମ୍ପଟ ମାରିଥିଲେ । ଗାଡ଼ିଟିକୁ ସନ୍ଦେହରେ ଯାଞ୍ଚ କରିବା ବେଳେ ଉକ୍ତ ଗାଡ଼ିରୁ ଜରି ଆଖାରେ ବନ୍ଧାଯାଇ ରଖାଯାଇଥିବା ଗଞ୍ଜେଇ ବସ୍ତା ଗୁଡିକୁ ଜବତ କରିଥିଲେ। ମୋହନା ତହସିଲଦାର କିଶୋର ଚନ୍ଦ୍ର ଦାସଙ୍କ ଉପସ୍ଥିତିରେ ଓଜନ କରିବାରୁ ତାହା ଏକ ହଜାର ୮ କିଲୋ ହୋଇଥିଲା । ଯାହାର ବଜାର ମୂଲ୍ୟ ୧ କୋଟି ଟଙ୍କା ହେବ ବୋଲି ଥାନା ଅଧିକାରୀ ଶ୍ରୀ ପାତ୍ର ସୂଚନା ଦେଇଛନ୍ତି । ଏସଆଇ ଭାଗ୍ୟଲତା ଦାସଙ୍କୁ ଏହାର ତଦନ୍ତ କରୁଛନ୍ତି । ଗଞ୍ଜେଇ ସବୁ ଗଜପତି ଜିଲ୍ଲାରୁ ଗଞ୍ଜାମ ଓ ବାହାର ରାଜ୍ୟକୁ ଚାଲାଣ ହେଉଥିଲା।
Comments are closed.