ମୋହନା : ଗଜପତି ଜିଲ୍ଲା ମୋହନା ଥାନା ପୁଲିସ ବିଶେଷସୁତ୍ରରୁ ଖବରପାଇ ବୁଧବାର କମଳାପୁର ଛକରେ ଛପି ରହି ଗଞ୍ଜେଇ ଚୋରାଚାଲାଣ କରୁଥିବା ଦୁଇ ଜଣ ଯୁବକଙ୍କୁ ଗିରଫ କରିଥିବା ଜଣାପଡିଛି। ଯୁବକଙ୍କ ନାମ ଆର.ଉଦୟଗିରି ଥାନା ପରିମଳ ଗ୍ରାମର ବାବୁଲା ମାଳୀ, କାନ୍ତାରୁ ମାଳି। ଉଭୟଙ୍କୁ ଗଞ୍ଜେଇ ଚୋରା ଚାଲାଣରେ ଗିରଫ କରିବା ସହ ସେମାନଙ୍କଠାରୁ ଏକ ବାଇକ ଓ ୧୨ କିଲୋ ଗଞ୍ଜେଇ ଜବତ କରିଥିଲା। ଉଭୟେ ଏକ ପଲିଥିନ ବ୍ୟାଗରେ ଗଞ୍ଜେଇ ପ୍ୟାକେଟ କରି ଆର.ଉଦୟଗିରି ଅଞ୍ଚଳରୁ ବ୍ରହ୍ମପୁର ଚାଲାଣ କରୁଥିବା ଥାନାଧିକାରୀ ପ୍ରଶାନ୍ତ କୁମାର ବେହେରା କହିଛନ୍ତି। ଏସଆଇ ସିନ୍ଧୁ ସାର୍କା ଏହାର ତଦନ୍ତ କରୁଛନ୍ତି। ଏହି କାରବାରରେ ସଂପୃକ୍ତ ଥିବା ଚୋରାବେପାରୀଙ୍କୁ ଧରିବା ଏବଂ ମୋହନା ଅଞ୍ଚଳରୁ ଗଞ୍ଜେଇକୁ ସମ୍ପୂର୍ଣ୍ଣ ବିଲୁପ୍ତ କରିବା ପାଇଁ ଏହି ଚଢାଉକୁ ଜୋରଦାର କରାଯିବ ବୋଲି ଏସଡିପିଓ ଅନିଲ କୁମାର ପ୍ରଧାନ କହିଛନ୍ତି।
