ପଦ୍ମପୁର : ରାୟଗଡା ଜିଲ୍ଲା ପଦ୍ମପୁର ଗୁଣ୍ଡିଚା ମନ୍ଦିର ପରିସରରେ ଶୁକ୍ରବାର ମାଗଣା ପରଳ ଚକ୍ଷୁ ପରୀକ୍ଷା ଶିବିର ଅଖିଳ ବିଶ୍ୱ ଗାୟତ୍ରୀ ପରିବାର ତରଫରୁ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଗଞ୍ଜାମ ଜିଲ୍ଲା ଶଙ୍କର ଚକ୍ଷୁ ଚିକିତ୍ସାଳୟ ସମରଝୋଲ ଗ୍ରାମର ଟିମ୍ ମ୍ୟାନେଜର ଚିତ୍ରସେନ ଗୌଡ଼ଙ୍କ ସମେତ କର୍ମଚାରୀମାନେ ଉପସ୍ଥିତ ରହି ସ୍ଥାନୀୟ ଜନସାଧାରଣମାନଙ୍କୁ ଚକ୍ଷୁ ପରୀକ୍ଷା କରିଥିଲେ । ଏହି ଚକ୍ଷୁ ଶିବିରରେ ୨୫୦ ଜଣ ପୁରୁଷ ଓ ମହିଳା ଯୋଗ ଦେଇ ଚକ୍ଷୁ ପରୀକ୍ଷା କରିଥିଲେ । ଅନ୍ୟ ୪୫ ଜଣଙ୍କୁ ଶଙ୍କର ଚକ୍ଷୁ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ଏବଂ ୫୦ ଜଣଙ୍କୁ ଆସନ୍ତା ୨୦ ତାରିଖ ଦିନ ସମରଝୋଲ ଗ୍ରାମକୁ ନେବେ ବୋଲି ସ୍ଥିର କରିଛନ୍ତି । ଏଥିରେ ସୁଲଭ ମୂଲ୍ୟରେ ଜନସାଧାରଣଙ୍କୁ ଚଷମା ପ୍ରଦାନ କରାଯାଇଛି। କାର୍ଯ୍ୟକ୍ରମକୁ ଚନ୍ଦ୍ର ମୋହନ ଦୋରା, ଜଗନାଥ ପାଣିଗ୍ରାହୀ, ରମେଶ ଚନ୍ଦ୍ର ପାତ୍ର, ଜଗବନ୍ଧୁ ସାହୁ, ରମେଶ ଚନ୍ଦ୍ର ପଣ୍ଡା, ସବେଶ୍ୱର ପରିଡା, ପ୍ରଶାନ୍ତ ପଣ୍ଡା ପ୍ରମୁଖ ଉପସ୍ଥିତ ରହି ପରିଚାଳନା କରିଥିଲେ । ପରିଶେଷରେ କାଶିନାଥ ସାହୁ ସମସ୍ତ କର୍ମଚାରୀ, ଗାୟତ୍ରୀ ପରିବାରର ସଦସ୍ୟମାନଙ୍କୁ ଧନ୍ୟବାଦ ଅର୍ପଣ କରିଥିଲେ ।
Comments are closed.