ବେଙ୍ଗାଲୁରୁ : କୁହାଯାଏ ଭାଗ୍ୟକୁ ନିଜ ପରିଶ୍ରମ ଏବଂ ଅଧ୍ୟବସାୟ ବଳରେ ବଦଳାଇପାରିବାର ଦମ୍ ରଖିଛି ମଣିଷ। ଅଜସ୍ର ପରିଶ୍ରମ ଆଉ ନିଷ୍ଠା ବଳରେ ଦାରିଦ୍ର୍ୟ ବି ହାର୍ ମାନିଥାଏ। ଦୁଃଖ ସମୟରେ କେହି ସାହସ ନ ଯୋଗାଇଲେ ବି ନିଜକୁ ନିଜେ ସାହସ ଦେଇ ବାଟ ଚାଲିବାକୁ ପ୍ରତିଜ୍ଞା କରନ୍ତି। ଆଉ ଭାଙ୍ଗି ନ ପଡ଼ି ଲକ୍ଷ୍ୟ ପଥରେ ଅଗ୍ରସର ହେଲେ ସଫଳତା ମିଳିଥାଏ। ଏକଥାକୁ ପ୍ରମାଣ କରି ଦେଖାଇଛନ୍ତି ବେଙ୍ଗାଲୁରୁର ରମେଶ ବାବୁ। ଯିଏ ଦିନେ ଦାରିଦ୍ର୍ୟ ସହିତ ଲଢ଼ୁଥିଲେ, ସେ ଆଜି କୋଟିପତି ଭଣ୍ଡାରି । ଯିଏ ଦିନେ ଭୋକ ଓପାସରେ ଦିନ କାଟୁଥିଲେ; ସେ ଆଜି ୪ ଶହ ଦାମୀ କାରର ମାଲିକ। ଦାରିଦ୍ର୍ୟ ସହିତ ଯୁଝୁଥିବା ମଣିଷଜଣକ ଆଜି ସମସ୍ତଙ୍କ ପାଇଁ ଆଲୋକବର୍ତ୍ତିକା । ଏଥିପାଇଁ ତାଙ୍କୁ ଅନେକ ସଂଘର୍ଷ କରିବାକୁ ପଡ଼ିଛି । ସୂଚନା ଅନୁସାରେ ରମେଶଙ୍କ ପିଲାଦିନ ଥିଲା ଖୁବ୍ କଷ୍ଟଦାୟକ, ଯନ୍ତ୍ରଣାଜର୍ଜରିତ। ଛୋଟବେଳୁ ତାଙ୍କ ବାପାଙ୍କ ଦେହାନ୍ତ ଘଟିଲା। ଜୀବନର ବୋଝ କ’ଣ ବୁଝିବା ଆଗରୁ ଜୀବନର ବୋଝକୁ ମୁଣ୍ଡାଇବାକୁ ପଡ଼ିଲା। ତାଙ୍କ ବାପାଙ୍କର ଥିଲା ଏକ ଛୋଟ ଭଣ୍ଡାରୀ ଦୋକାନ। ବାପାଙ୍କ ଦେହାନ୍ତ ପରେ ତାଙ୍କ ମାଆ ଭାଙ୍ଗିପଡ଼ିଲେ। ଏତେ ଛୋଟ ପିଲାକୁ ନେଇ କେମିତି ଲମ୍ବା ଜୀବନ ବିତାଇବେ; ସେଇ ଚିନ୍ତାରେ ଦିନରାତି ଘାରି ହେଲେ। ଆଉ ଶେଷରେ କୌଣସି ଉପାୟ ନ ପାଇ ଅନ୍ୟର ଘରେ ମଜୁରୀ କରି ଦି ପଇସା ରୋଜଗାର କଲେ। ନିଜେ ରମେଶ ଦୋକାନଟିକୁ ସମ୍ଭାଳିଲେ ଆଉ ଏଥିରୁ ଯାହା ରୋଜଗାର ହେଲା ମାଆ ପୁଅ କଷ୍ଟେ ମଷ୍ଟେ ଚଳିବାକୁ ଅଭ୍ୟାସ କଲେ। ଅଭ୍ୟାସ ଦିନେ ଜୀବନର ଜ୍ୟୋତି ପାଲଟିଗଲା। ସେଥିପାଇଁ ତ ଆଜି ସାରା ଦେଶରେ ରମେଶ ଚର୍ଚ୍ଚାର ବିଷୟ। ନିଜର ପରିଶ୍ରମ ଆଉ ନିଷ୍ଠା ବଳରେ ସେଇ ଛୋଟ ଦୋକାନଟି ଆଜି ସହରର ସବୁଠାରୁ ଷ୍ଟାଇଲିସ୍ ଦୋକାନ ଭାବେ ଦଣ୍ଡାୟମାନ। ଧୀରେ ଧୀରେ ତାଙ୍କ ସ୍ବପ୍ନ ସତ ହେଲା। ୧୯୯୪ ମସିହାରେ ପ୍ରଥମେ ଏକ କାର୍ କିଣି ତାକୁ ଭଡ଼ାରେ ଲଗାଇଲେ। ପରବର୍ତ୍ତୀ ସମୟରେ ସେ ଅନେକ ଦାମୀ ଗାଡ଼ି କିଣି ଭଡ଼ାରେ ଲଗାଇଲେ। ଟୁର୍ସ ଆଣ୍ଡ ଟ୍ରାଭେଲ ନାମରେ ଏକ ବ୍ୟବସାୟ ଚଳାଇଲେ। ଏଥିରେ ତାଙ୍କର ଅନେକ ଦାମୀ ଗାଡ଼ିକୁ ଭଡ଼ାରେ ଲଗାଇଲେ। ଏହି ବ୍ୟବସାୟ ମଧ୍ୟ ତାଙ୍କର ସଫଳ ହେଲା। ଆଜି ସେ ସମସ୍ତଙ୍କ ପାଇଁ ଉଦାହରଣ।
Popular Categories
Previous article
Next article