ଭୁବନେଶ୍ୱର: ସମ୍ଭାବ୍ୟ ବାତ୍ୟା ନେଇ ସ୍ବତନ୍ତ୍ର ରିଲିଫ କମିଶନରଙ୍କ ଏକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ନିଆଯାଇଥିବା ନିଷ୍ପତ୍ତି ନେଇ ଓସଡମାର କାର୍ଯ୍ୟନିର୍ବାହୀ ନିର୍ଦେଶକ ଜ୍ଞାନ ଦାସ ସୂଚନା ଦେଇ କହିଛନ୍ତି ଯେ ସମ୍ଭାବ୍ୟ ପ୍ରଭାବିତ ଜିଲାର ଜିଲାପାଳମାନଙ୍କୁ ସତର୍କ ରହିବାକୁ ନିର୍ଦେଶ ଦିଆଯାଇଛି। ସମସ୍ତ କର୍ମଚାରୀଙ୍କ ଛୁଟିକୁ ବାତିଲ କରାଯାଇଥିବାବେଳେ ସମସ୍ତେ ହେଡକ୍ବାର୍ଟରରେ ରହିବାକୁ ନିର୍ଦେଶ ଦିଆଯାଇଛି। ଏପର୍ଯ୍ୟନ୍ତ ଘୂର୍ଣ୍ଣିବଳୟର ପ୍ରଭାବ ଅନୁଭୂତ ହୋଇନାହିଁ। ଉପକୂଳବର୍ତ୍ତୀ ଜିଲାର ସମସ୍ତ ଜିଲାପାଳଙ୍କୁ ବାତ୍ୟା ମୁକାବିଲା ପ୍ରସ୍ତୁତି ପାଇଁ ସଜାଗ ରହିବାକୁ କୁହାଯାଇଛି। ଆସନ୍ତା ୨୨ତାରିଖରେ ଲଘୁଚାପ ସୃଷ୍ଟି ହେବା ପରେ ପଦକ୍ଷେପ ନିଆଯିବ। ଏବେ କେବଳ ଜିଲାପାଳ ମାନଙ୍କୁ ସତର୍କ ରହିବା ପାଇଁ ନିର୍ଦ୍ଦେଶ ଦିଆଯାଇଛି। ଏହାସହ ଦୀପାବଳୀ ଛୁଟିକୁ ବାତିଲ କରାଯିବା ସହ ହେଡ୍ କ୍ୱାର୍ଟର ନଛାଡ଼ିବାକୁ ସମସ୍ତ କର୍ମଚାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ବୋଲି କାର୍ଯ୍ୟନିର୍ବାହୀ ନିର୍ଦେଶକ ଜ୍ଞାନ ଦାସ ପ୍ରକାଶ କରିଛନ୍ତି।
Popular Categories
Previous article
Next article