ହଷ୍ଟନ: ଆମେରିକାର ଟେକ୍ସାସ ରାଜ୍ୟରେ ଥିବା ଏକ ଉଚ୍ଚ ବିଦ୍ୟାଳୟରେ ଜଣେ ଦୁର୍ବୃତ୍ତ ଗୁଳି ଚଳାଇବାରୁ ୮ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ହଷ୍ଟନ ସହରରୁ ୫୦ କିଲୋମିଟର ଦୂରରେ ଥିବା ସାଣ୍ଟା ପେ ହାଇସ୍କୁଲରେ ଏହି ଘଟଣା ଘଟିଛି । ଏଥିରେ ଜଣେ ଆଇନ ରକ୍ଷକ ଅଧିକାରୀ ଆହତ ହୋଇଛନ୍ତି । ଗୁଳିକାଣ୍ଡ ଘଟାଇଥିବା ଦୁର୍ବୃତ୍ତକୁ ଗିରଫ କରାଯାଇଛି । ଏହି ଗୁଳି କାଣ୍ଡରେ ଅନେକ ଛାତ୍ରଛାତ୍ରୀଙ୍କ ସହ ଜଣେ ପୁଲିସ ଅଧିକାରୀ ଆହତ ହୋଇଛନ୍ତି । ସାତଦିନ ମଧ୍ୟରେ ଆମେରିକାର ବିଦ୍ୟାଳୟମାନଙ୍କରେ ଏହା ତୃତୀୟ ଗୁଳିକାଣ୍ଡ । ଚଳିତ ବର୍ଷର ଏହା ୨୨ତମ ଗୁଳିକାଣ୍ଡ ।
ପେବ୍ରୁଆରି ୧୪ ତାରିଖରେ ଆମେରିକାର ଏକ ବିଦ୍ୟାଳୟରେ ହୋଇଥିବା ଗୁଳିକାଣ୍ଡରେ ୧୭ ଜଣ ଛାତ୍ରଛାତ୍ରୀ ମୃତ୍ୟୁ ବରଣ କରିଥିଲେ । ଫ୍ଲୋରିଡାର ଡଗଲାସ୍ ହାଇସ୍କୁଲରେ ଏହି ଘଟଣା ଘଟିଥିଲା ।