ରାଉରକେଲା: ରାଉରକେଲା ବିର୍ସା ମୁଣ୍ଡା ହକି ଷ୍ଟାଡିୟମରେ ଚାଲିଥିବା ପୁରୁଷ ଏଫଆଇଏଚ୍ ହକି ପ୍ରୋ ଲିଗରେ ଭାରତୀୟ ଦଳ ପେନାଲ୍ଟି ସୁଟ୍ ଆଉଟରେ ସ୍ପେନକୁ ୮-୭ ଗୋଲରେ ପରାସ୍ତ କରିଛି। ନିର୍ଦ୍ଧାରିତ ସମୟରେ ଉଭୟ ଦଳ ୨-୨ ଗୋଲରେ ଆଗୁଆ ରହିଥିଲେ। ଭାରତ ପକ୍ଷରୁ ପ୍ରଥମ ମିନିଟରେ ଜରମନପ୍ରୀତ ସିଂହ ଓ ୩୫ମିନିଟରେ ଅଭିଷେକ ଗୋଲ୍ ଦେଇଥିବା ବେଳେ ତୃତୀୟ ମିନିଟରେ ଜୋସ ବାଷ୍ଟେରା ଓ ୧୫ ମିନିଟରେ ବୋର୍ଜା ଲାକାଲେ ସ୍ପେନ୍ ପକ୍ଷରୁ ଗୋଲ୍ ଦେଇଥିଲେ। ପେନାଲ୍ଟି ସୁଟ୍ ଆଉଟ୍ ମ୍ୟାଚ୍ ମଧ୍ୟ ରୋମାଞ୍ଚକର ଥିଲା। ଉଭୟ ଦଳ ୭-୭ଗୋଲରେ ଆଗୁଆ ରହିଥିଲେ ହେଁ ଲଳିତ କୁମାର ଉପାଧ୍ୟାୟ ଗୋଲ୍ ଦେଇ ଭାରତକୁ ଆଗୁଆ ରଖିଥିଲେ। ଏହାପରେ ଭାରତୀୟ ଗୋଲ ରକ୍ଷକ ପିଆର ଶ୍ରୀଜେଶ ସ୍ପେନ୍ ଅଧିନାୟକ ମାର୍କ ମିରାଲେସଙ୍କ ଗୋଲ୍ ଅଟକାଇ ଭାରତୀୟ ଦଳକୁ ବିଜୟୀ କରାଇଥିଲେ।
Comments are closed.