ଆଠଗଡ : ହରିୟାଣାର ପଞ୍ଚକୁଲାଠାରେ ଖେଲୋ ଇଣ୍ଡିଆ ଯୁବକ୍ରୀଡା ପ୍ରତିଯୋଗିତାରେ ଆଠଗଡ ଅଶୋକ ନଗର ଅଞ୍ଚଳର ଟି. ଜଗନ୍ନାଥ ଦାସ ଖୋ-ଖୋ ଖେଳରେ ଓଡିଶାର ପ୍ରତିନିଧିତ୍ୱ କରି ଦଳକୁ ରନର୍ସଅପ କରାଇବାରେ ପ୍ରମୁଖ ଭୂମିକା ଗ୍ରହଣ କରିଥିବାରୁ ତାଙ୍କୁ ବିଜେପି ପକ୍ଷରୁ ସମ୍ବର୍ଦ୍ଧିତ କରାଯାଇଛି । ବୁଧବାର ଜଗନ୍ନାଥ ହରିୟାଣାରୁ ଫେରି ଆଠଗଡରେ ପହଞ୍ଚିବା ପରେ ତାଙ୍କର ଏହି କୃତିତ୍ୱ ପାଇଁ ବିଭିନ୍ନ ମହଲରୁ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିବାରେ ଲାଗିଛି। ଆଠଗଡର ଭାରତୀୟ ଜନତା ପାର୍ଟି ପକ୍ଷରୁ ବରିଷ୍ଠ ନେତା ବ୍ରଜେନ୍ଦ୍ର ରାୟ ତାଙ୍କ ବାସଭବନରେ ପହଞ୍ଚି ଜଗନ୍ନାଥଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ। ଅତ୍ୟନ୍ତ ଗରିବ ପରିବାରରୁ ଆସିଥିବା ଜଗନ୍ନାଥ ବହୁ ବାଧାବିଘ୍ନ ସାମନା କରି ଖୋ-ଖୋ ଖେଳରେ ଓଡିଶା ଦଳରେ ପ୍ରତିନିଧିତ୍ୱ କରି ଦଳକୁ ରୌପ୍ୟ ପଦକ ମିଳିବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଶ୍ରୀ ରାୟ ଓ ଅନ୍ୟ ବିଜେପି ନେତାମାନେ ତାଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ। ଆଠଗଡର ଉଦୀୟମାନ କ୍ରୀଡାବିତ୍ଙ୍କୁ ତାଲିମ ଓ ପ୍ରୋତ୍ସାହନ ଦେଇ କିପରି ସେମାନେ ରାଜ୍ୟ ଓ ଜାତୀୟସ୍ତରରେ ଖେଳିବାର ସୁଯୋଗ ପାଇବେ ସେ ଦିଗରେ ଉଦ୍ୟମ କରିବେ ବୋଲି ଖୋ-ଖୋ କ୍ରୀଡାବିତ୍ ଟି. ଜଗନ୍ନାଥ ଦାସ ତାଙ୍କ ପ୍ରତିକ୍ରିୟାରେ ପ୍ରକାଶ କରିଥିଲେ। ବିଜେପି ନେତା ହେମନ୍ତ କୁମାର ମହାନ୍ତି, ବିଚିତ୍ରାନନ୍ଦ ଜେନା, ସୋମନାଥ ରାଉତ, ପ୍ରକାଶ ସେଠୀ, ଦେବାଶିଷ ମିଶ୍ର, ରାକେଶ ମହାନ୍ତି ପ୍ରମୁଖ ଶ୍ରୀ ରାୟଙ୍କ ସହିତ ଜଗନ୍ନାଥଙ୍କୁ ଅଭିନନ୍ଦନ ଓ ଶୁଭେଚ୍ଛା ଜଣାଇଥିଲେ।
Comments are closed.