ମାଲକାନଗିରି : ଏମ.ଭି – ୧୯ ଗ୍ରାମସ୍ଥିତ ଏକ ଘରୋଇ ଔଷଧ ଦୋକାନରୁ ଅବଧି ଶେଷ ହୋଇଯାଇଥିବା ଇଞ୍ଜେକ୍ସନ ନେଇ ଡାକ୍ତରଖାନାରେ ରୋଗୀକୁ ଦିଆଯିବାରୁ ରୋଗୀ ଗୁରୁତର ହୋଇଥିବା ଜଣାପଡ଼ିଛି। ତେବେ ଏନେଇ ଲୋକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି । ଏମ.ଭି -୧୯ ଗ୍ରାମର ଗୋପାଳ ମଣ୍ଡଳ (୫୦) ଙ୍କୁ ଜ୍ୱର ହେବାରୁ ତାଙ୍କୁ ସଂପୃକ୍ତ ଗ୍ରାମର ଡାକ୍ତରଖାନା ରେ ଭର୍ତ୍ତି କରାଯାଇଥିଲା ।
ସନ୍ଧ୍ୟାରେ ଡାକ୍ତର ଇଞ୍ଜେକ୍ସନ ଲେଖିବା ପରେ ନିକଟରେ ଥିବା ଏକ ଘରୋଇ ଔଷଧ ଦୋକନେରୁ ରୋଗୀଙ୍କ ସମ୍ପର୍କୀୟ ଇଞ୍ଜେକ୍ସନ ଆଣିଥିଲେ । ତେବେ ଏହାର ଅବଧି (ଏକ୍ସପାୟରି) ଶେଷ ହୋଇଯାଇଥିବା ବେଳେ ଏହା ଜାଣି ନପାରି ସେହି ଡାକ୍ତରଖାନାର କର୍ମଚାରୀ ଏହାକୁ ରୋଗୀଙ୍କୁ ଦେଇଥିଲେ । ତେବେ ଏହାର କିଛି ସମୟ ପରେ ରୋଗୀଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରେ ଲାଗିଥିଲା । ଏହା ଦେଖି ରୋଗୀଙ୍କ ସମ୍ପର୍କୀୟ ପାଟିତୁଣ୍ଡ କରିବା ପରେ ଗ୍ରାମବାସୀମାନେ ଜାଣିବାକୁ ପାଇଥିଲେ । ଏହା ପରେ ବହୁ ସମୟ ଧରି ଘରୋଇ ଔଷଧ ଦୋକାନ ଓ ସ୍ୱାସ୍ଥ୍ୟକେନ୍ଦ୍ର ପରିସରରେ ଉତ୍ତେଜନା ଲାଗି ରହିଥିଲା।
