ନୂଆଦିଲ୍ଲୀ: ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ) ମୁଖ୍ୟ ମୋହନ ଭାଗବତ ଗୁରୁବାର କହିଛନ୍ତି ଯେ ଦେଶର ପ୍ରତ୍ୟେକଙ୍କର ୩ଟି ସନ୍ତାନ ହେବା ଉଚିତ୍ । ଯଦି ଜନ୍ମହାର ୩ରୁ କମ୍ ହୁଏ, ତେବେ ଆମେ ଧୀରେ ଧୀରେ ଲୋପ ପାଇଯିବୁ । ଆରଏସଏସର ୧୦୦ ବର୍ଷ ପୂରଣ ଅବସରରେ ଦିଲ୍ଲୀର ବିଜ୍ଞାନ ଭବନରେ ଆୟୋଜିତ ୩ ଦିନିଆ ବକ୍ତୃତା ମାଳାରେ ଏହା ଭାଗବତ କହିଛନ୍ତି ।
ସେ ଆହୁରି କହିଛନ୍ତି ଯେ, ଲୋକଙ୍କର ୩ଟିରୁ ଅଧିକ ସନ୍ତାନ ହେବା ଉଚିତ୍ ନୁହେଁ ଯାହା ଦ୍ୱାରା ଜନସଂଖ୍ୟା ନିୟନ୍ତ୍ରଣରେ ରହିବ । ସେହିପରି ଧର୍ମାନ୍ତରୀକରଣ ଏବଂ ଅବୈଧ ପ୍ରବାସ ହେଉଛି ଜନସଂଖ୍ୟାଗତ ଅସନ୍ତୁଳନର ଦୁଇଟି ପ୍ରମୁଖ କାରଣ ।
- Advertisement -
ସେ କହିଛନ୍ତି, “ଡାକ୍ତରମାନେ କୁହନ୍ତି ଯେ ୩ଟି ସନ୍ତାନ ଜନ୍ମ କରିବା ଦ୍ୱାରା ତିନି ଜଣଙ୍କ ସ୍ୱାସ୍ଥ୍ୟ ଭଲ ରହିଥାଏ । ଏହା ସହିତ, ପିଲାମାନେ ପରସ୍ପର ସହିତ ଖାପ ଖୁଆଇବା ମଧ୍ୟ ଶିଖନ୍ତି।” ଭାରତରେ ବର୍ତ୍ତମାନ ଜନ୍ମହାର ୨.୧ ରହିଛି । ଅର୍ଥାତ୍ ୩ଟି ପିଲା ହେବା ଉଚିତ କାରଣ ୨.୧ ହେବା ଉଚିତ୍ ନୁହେଁ ।
