ଶ୍ରୀଲଙ୍କାକୁ ପରାସ୍ତ କରି ସେମିଫାଇନାଲ୍‌‌ରେ ଇଂଲଣ୍ଡ

ସିଡ୍‌‌ନୀ :  ଆଇସିସି ଟି-ଟ୍ୱେଣ୍ଟି ବିଶ୍ୱକପ୍‌‌ର ସୁପର-୧୨ ପର୍ଯ୍ୟାୟର ଶନିବାର ସିଡ୍‌‌ନୀ ଠାରେ ଅନୁଷ୍ଠିତ  ଗ୍ରୁପ୍‌‌-୧ର ମ୍ୟାଚ୍‌‌ରେ ଇଂଲଣ୍ଡ ଶ୍ରୀଲଙ୍କାକୁ ୪ ୱିକେଟ୍‌‌ରେ ପରାସ୍ତ କରିଛି । ଏହି ବିଜୟ ଫଳରେ ଇଂଲଣ୍ଡ ସେମିଫାଇନାଲ୍‌‌ରେ ପ୍ରବେଶ କରିଛି । ଅନ୍ୟ ପକ୍ଷରେ ପୂର୍ବଥରର ବିଶ୍ୱକପ୍‌‌ ବିଜେତା ତଥା ଆୟୋଜକ ଅଷ୍ଟ୍ରେଲିଆ ସେମିଫାଇନାଲରୁ ବିଦାୟ ନେଇଛି । ଟସ୍‌‌ ଜିଣି ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୮ ୱିକେଟ ହରାଇ ୧୪୧ରନ୍‌‌ ସଂଗ୍ରହ କରିଥିଲା । ଇଂଲଣ୍ଡ ୧୯ ଓଭର ୪ଟି ବଲ୍‌‌ରେ ୪ ୱିକେଟ୍‌‌ ହରାଇ ୧୪୨ରନ୍‌‌ ସଂଗ୍ରହ କରିବା ସହ ବିଜୟ ହାସଲ କରିଥିଲା। ଇଂଲଣ୍ଡର ଆଲେକ୍ସ ହେଲ୍ସ ସର୍ବାଧିକ ୪୭ରନ୍‌‌ କରିଥିଲେ ।
ଆସନ୍ତାକାଲି ଭାରତ ଓ ଜିମ୍ବାୱେ ମଧ୍ୟରେ ମ୍ୟାଚ୍‌‌ ଅନୁଷ୍ଠିତ ହେବାକୁ ଥିବା ବେଳେ ଅନ୍ୟ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍‌‌ରେ ପାକିସ୍ତାନ ବାଙ୍ଗଲାଦେଶକୁ ଭେଟିବ ।