ଲକ୍ଷ୍ନୌ : ଉତ୍ତରପ୍ରଦେଶ ମୁଜାଫରନଗରରେ ମଙ୍ଗଳବାର ସକାଳେ ପୁଲିସ୍ ସହ ଗୁଳି ବିନିମୟରେ ୨ କୁଖ୍ୟାତ ଅପରାଧୀ ରୋହିତ ଏବଂ ରାକେଶ ନିହତ ହୋଇଛନ୍ତି। ସୂଚନା ଅନୁସାରେ ମୃତ ଅପରାଧୀଙ୍କ ମଧ୍ୟରୁ ରୋହିତ ମୁଣ୍ଡରେ ଏକ ଲକ୍ଷ ଓ ରାକେଶ ମୁଣ୍ଡରେ ୫୦ ହଜାର ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ସଂଘର୍ଷରେ ୨ ଜଣ ପୁଲିସ୍ କର୍ମୀ ଆହତ ହୋଇଛନ୍ତି।
ମୁଜାଫରନଗରର ବିଳାସପୁର ଗ୍ରାମରେ ପୁଲିସ୍ ଓ ଅପରାଧୀଙ୍କ ମଧ୍ୟରେ ସଂଘର୍ଷ ଘଟିଥିଲା। ଏଥିରେ ମୁଣ୍ଡରେ ଲକ୍ଷେ ଟଙ୍କା ପୁରସ୍କାର ଘୋଷିତ ମୁନ୍ସପୁାର ଥାନା ଜୋହରା ନିବାସୀ ରୋହିତ ସାଣ୍ଡୁ ଏବଂ ୫୦ ହଜାର ଟଙ୍କା ପୁରସ୍କାର ରାଶି ଘୋଷିତ ଅଯୋଧ୍ୟା ନିବାସୀ ରାକେଶ ଯାଦବ ନିହତ ହୋଇଛନ୍ତି। ସୂଚନାଯୋଗ୍ୟ ଯେ ଜୁନ ୨ରେ ଜାନସେଠ ନିକଟରେ ରୋହିତ ସାଣ୍ଡୁକୁ ତାର ସାଥୀମାନେ ପୁଲିସ୍ କବଳରୁ ଖସାଇ ନେବାରେ ସଫଳ ହୋଇଥିଲେ। ଫଳରେ ମିର୍ଜାପୁର ପୁଲିସ୍ ଏକ ସ୍ୱତନ୍ତ୍ର ତଦନ୍ତକାରୀ ଦଳ ଗଠନ କରି ରୋହିତକୁ ଖୋଜୁଥିଲା। ଶନିବାର ସଂଘର୍ଷରେ ତାର ମୃତ୍ୟୁ ଘଟିଛି।
Comments are closed.