ନୟାଗଡ: ଦଶପଲ୍ଲା ବାଇସିପଲ୍ଲୀ ଜଙ୍ଗଲରେ ଦନ୍ତାହାତୀ ମୃତ୍ୟୁ ଘଟଣାରେ ୬ଜଣଙ୍କୁ ଗିରଫ ହୋଇଛନ୍ତି। ୫ ଶିକାରୀ ଏବଂ ଜଣେ ହାତୀ ଦାନ୍ତ ବେପାରୀକୁ ଗିରଫ କରାଯାଇଥିବା ଡିଏଫଓ ସୂଚନା ଦେଇଛନ୍ତି। ସୂଚନା ଅନୁସାରେ ଗତ ୨୫ ତାରିଖରେ ନୟାଗଡ ଜିଲ୍ଲା ଦଶପଲ୍ଲା ରେଞ୍ଜ ଅଞ୍ଚଳରୁ ଏକ ଦନ୍ତାହାତୀର ଗଳିତ ମୃତଦେହ ଉଦ୍ଧାର କରାଯାଇଥିଲା। ବାରହା ଶିକାର ପାଇଁ ବିଛାଯାଇଥିବା ବିଦ୍ୟୁତ୍ ତାର ଲାଗି ହାତୀଟିର ମୃତ୍ୟୁ ଘଟିଥିଲା। ଦନ୍ତାର ମୃତ୍ୟୁ ପରେ ଦୁର୍ବୁତ୍ତ ମାନେ ଦୁଇଟି ଯାକ ଦାନ୍ତ ନେଇ ୧୨ ହଜାର ଟଙ୍କାରେ ବିକ୍ରି କରିଥିବା ଅଭିଯୋଗ ହୋଇଛି। ବନ ବିଭାଗ ଏହି ଘଟଣାରେ ୬ ଜଣଙ୍କୁ ଗିରଫ କରିଥିବାବେଳେ ବର୍ତ୍ତମାନ ଆଉ ଦୁଇ ଜଣ ଫେରାର ରହିଛନ୍ତି। ତେବେ ଗିରଫ ଅଭିଯୁକ୍ତମାନେ ତୁଷାର ଘଣ୍ଟ , ସୁମନ୍ତ ଘଣ୍ଟ, ଶତ୍ରୁଘ୍ନ ସାହୁ , ସନ୍ତୋଷ ନାୟକ , ସନାତନ ନାୟକ ଏବଂ ଗଣିଆ ଅଞ୍ଚଳର ଅବଦୁଲ ସଲିମ ଖାଁ ବୋଲି ଜଣାପଡିଛି। ସେପଟେ ବନ ବିଭାଗ କର୍ମଚାରୀଙ୍କ ଅବହେଳା ଯୋଗୁଁ ଏଭଳି ଘଟଣା ଘଟିଥିବା ଡିଏଫଓ ସ୍ବୀକାର କରିଥିବାବେଳେ ଖୁବ୍ ଶୀଘ୍ର ଦୋଷୀ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି।
Popular Categories
Previous article
Next article