ନୂଆଦିଲ୍ଲୀ: ଗ୍ରୀଷ୍ମଦିନରେ ଶୀତତାପ ନିୟନ୍ତ୍ରଣ ଯନ୍ତ୍ର (ଏସି)ର ଚାହିଦା ବହୁତ ବଢ଼ିଯାଏ। ପ୍ରତିବର୍ଷ ଖରା, ଗରମ ପ୍ରାୟତଃ ବଢ଼ି ଚାଲିଥିବାରୁ ଏଥିରୁ ମୁକ୍ତି ପାଇବା ପାଇଁ ବାସଭବନ, କାର୍ୟ୍ୟାଳୟ, ବ୍ୟବସାୟ ପ୍ରତିଷ୍ଠାନ ଆଦିରେ ଏସି ଲଗାଯାଉଛି। ଏସିର ଥଣ୍ଡା ପବନ ଟିକେ ମିଳିଗଲେ ଦେହରେ ଜୀବନ ପଶିଗଲା ପରି ଲାଗୁଛି। ବର୍ତ୍ତମାନ ଏସି ଆଉ ଆଭିଜାତ୍ୟର ଚିହ୍ନ ହୋଇ ରହି ନାହିଁ। ଧନୀ ଠାରୁ ଗରିବ ପ୍ରାୟ ସମସ୍ତଙ୍କ ଘରେ ଏସି ଲାଗିଥିବା ଦେଖିବାକୁ ମିଳୁଛି। ବିଦ୍ୟୁତ୍ଚାଳିତ ଆଧୁନିକ ଏସିର ଉଦ୍ଭାବକ ଭାବେ ଇତିହାସରେ ସ୍ମରଣୀୟ ହୋଇଛନ୍ତି ଆମେରିକାର ୱିଲିସ୍ କାରିୟର। ନ୍ୟୁୟର୍କରେ ୧୮୭୬ ନଭେମ୍ବର ୨୬ରେ ଜନ୍ମିତ ୱିଲିସ୍ ୧୯୦୧ରେ କରନେଲ୍ ବିଶ୍ବବିଦ୍ୟାଳୟରୁ ଇଞ୍ଜିନିୟରିଂରେ ଡିଗ୍ରୀ ହାସଲ କରିଥିଲେ। ଏହାପରେ ସେ ବୁଫାଲୋ ଫୋର୍ଗ କମ୍ପାନୀରେ କାମ କରିଥିଲେ। ୧୯୦୨ ମସିହାରେ ୱିଲିସ୍ ପ୍ରଥମ ବିଦ୍ୟୁତ୍ଚାଳିତ ଏସିର ଉଦ୍ଭାବନ କରିଥିଲେ। ସେ ୧୯୧୫ରେ କାରିୟର ଇଞ୍ଜିନିୟରିଂ କର୍ପୋରେସନର ପ୍ରତିଷ୍ଠା କରିଥିଲେ। ତାଙ୍କୁ ବିଭିନ୍ନ ବିଶ୍ବବିଦ୍ୟାଳୟ ତରଫରୁ ସମ୍ମାନଜନକ ଡକ୍ଟରେଟ ଡିଗ୍ରୀ ମିଳିଥିଲା। ୧୯୫୦ ମସିହା ଅକ୍ଟୋବର ୭ରେ ନ୍ୟୁୟର୍କ ସିଟିରେ ତାଙ୍କର ଦେହାନ୍ତ ହୋଇଥିଲା।
Popular Categories
Previous article
Next article