ମୁମ୍ବଇ : ଦୀପିକା ପାଦୁକୋନ ଓ ରଣବୀର କପୁର ପୁଣିଥରେ ପରଦାରେ ଏକାଠି ନଜର ଆସିବାକୁ ଯାଉଛନ୍ତି। ପୂର୍ବରୁ ଦୁହେଁ ବହୁ ଚଳଚ୍ଚିତ୍ରରେ ଏକାଠି ଅଭିନୟ କରିଛନ୍ତି। ପରଦାରେ ଦୁହିଁଙ୍କ ଯୋଡ଼ିକୁ ଲୋକେ ଖୁବ୍ ପସନ୍ଦ କରିଥିଲେ। ସୂଚନା ଅନୁସାରେ, ଏବେ ଦୁହେଁ ନିର୍ଦ୍ଦେଶକ ଲଭ୍ ରଞ୍ଜନଙ୍କ ଆଗାମୀ ଚଳଚ୍ଚିତ୍ରରେ ଏକାଠି ନଜର ଆସିବେ।
ବିଶେଷ ସୂତ୍ରରୁ ପ୍ରକାଶ ଯେ, ଚଳଚ୍ଚିତ୍ରର ସୁଟିଂ ଚଳିତ ବର୍ଷ ଆରମ୍ଭ ହେବ ଏବଂ ଡିସେମ୍ବର ୨୦୨୦ରେ ଏହା ମୁକ୍ତିଲାଭ କରିବ। ତେବେ ଚଳଚ୍ଚିତ୍ରର ନାମ ଏଯାବତ୍ ଘୋଷଣା କରାଯାଇ ନାହିଁ। ଚଳଚ୍ଚିତ୍ରରେ ରଣବୀରଙ୍କ ବ୍ୟତୀତ ଅଜୟ ଦେବଗନଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ।