ପଶ୍ଚିମବଙ୍ଗର ମମତା ବାନାର୍ଜୀ ସରକାର ଉପରେ କଡ଼ା ଶବ୍ଦ ପ୍ରୟୋଗ କରିଛନ୍ତି ବିଜେପି ରାଜ୍ୟ ସଭାପତି ଦିଲୀପ ଘୋଷ। ସେ କହିଛନ୍ତି ଯେ ପଶ୍ଚିମବଙ୍ଗ ଦେଶବିରୋଧୀ ଓ ଆତଙ୍କବାଦୀଙ୍କ ଗଡ଼ରେ ପରିଣତ ହୋଇଛି । ଏପରିକି କାଶ୍ମୀରଠାରୁ ପଶ୍ଚିମବଙ୍ଗର ସ୍ଥିତି ଆହୁରି ଖରାପ ବୋଲି ଶ୍ରୀ ଘୋଷ ଟିପ୍ପଣୀ ଦେଇଛନ୍ତି ।
ରବିବାର ଉତ୍ତର ୨୪ ପ୍ରଗଣାରେ ବିଜେପିର ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଶ୍ରୀ ଘୋଷ କହିଛନ୍ତି ଯେ ନିକଟରେ ଆଲିପୁରଦାରରେ ଅଲକଏଦାର ଆତଙ୍କବାଦୀଙ୍କୁ ଗିରଫ କରାଯାଇଥିବା ଅଭିଯୋଗ ହୋଇଛି । ରାଜ୍ୟର ଅନେକ ସ୍ଥାନରେ ଅଲକାଏଦା ନେଟୱାର୍କ ସ୍ଥାପନ ହୋଇଛି । ଏପରିକି ବାଂଲାଦେଶ ପଶ୍ଚିମବଙ୍ଗରେ ଆତଙ୍କବାଦୀଙ୍କୁ ତାଲିମ ଦିଆଯାଇ ଅଶାନ୍ତି ସୃଷ୍ଟି କରିବାକୁ ପଠାଯାଉଛି ବୋଲି ମଧ୍ୟ ଅଭିଯୋଗ କରିଛନ୍ତି । ବିଦେଶରୁ ବହୁ ଦେଶଦ୍ରୋହୀ ଓ ଆତଙ୍କବାଦୀ ପଶ୍ଚିମବଙ୍ଗରେ ଆଶ୍ରୟ ନେଇଛନ୍ତି । ବର୍ତ୍ତମାନ କାଶ୍ମୀର ଅପେକ୍ଷା ବଙ୍ଗଳାର ଅବସ୍ଥା ଖରାପ ହୋଇଛିବୋଲି ଶ୍ରୀ ଘୋଷ କରିଛନ୍ତି ।
ସେ ପୁଣି କହିଛନ୍ତି ଯେ ରାଜ୍ୟରେ ରହୁଥିବା ଲୋକମାନେ ଭୟର ଛାୟା ମଧ୍ୟରେ ଜୀବନ ବିତାଉଛନ୍ତି। ରୋହିଙ୍ଗ୍ୟା ମୁସଲମାନମାନଙ୍କୁ ରଖାଯାଇଥିବା ଆଲିପୁରଦାର ଜିଲ୍ଲାର ଜୟଗାଓଁରେ ମୋତେ ଆକ୍ରମଣ କରାଯାଇଥିଲା। ଯଦି ଆପଣ ଘଟଣାର ଭିଡିଓକୁ ଭଲଭାବେ ଦେଖନ୍ତି, ତେବେ ଆପଣ ସେମାନଙ୍କ ଦୃଶ୍ୟ ମାଧ୍ୟମରେ ଚିହ୍ନଟ କରିପାରିବେ ଯେ ସେମାନେ ବଙ୍ଗଳାର ନୁହଁନ୍ତି | ପଶ୍ଚିମବଙ୍ଗରେ ରୋହିଙ୍ଗ୍ୟା ଏବଂ ଅନ୍ୟାନ୍ୟ ଅନୁପ୍ରବେଶକାରୀ ଅଛନ୍ତି, ଯେଉଁମାନେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ତୃଣମୂଳ କଂଗ୍ରେସର ଭୋଟବ୍ୟାଙ୍କ। ଏହା ଅତ୍ୟନ୍ତ ଚିନ୍ତାଜନକ ବିଷୟ ଯେ କିଛି ରାଜନୈତିକ ଦଳ ଆତଙ୍କବାଦୀ ତଥା ସାମାଜିକ ବିରୋଧୀ ଉପାଦାନଗୁଡିକୁ ଲୁଚାଉଛନ୍ତି। ସେ କହିଛନ୍ତି, ବଙ୍ଗଳାର ପ୍ରାୟ ୪୫ ପ୍ରତିଶତ ଲୋକ ବିଜେପିକୁ ଭୋଟ୍ ଦେଇଛନ୍ତି। ସେମାନେ ଆମ ଉପରେ ସମ୍ପୂର୍ଣ୍ଣ ବିଶ୍ୱାସ କରନ୍ତି। ଅନ୍ୟଦଳଗୁଡ଼ିକ ଏକାଠି ଲଢ଼ିଲେ ବି କିଛି ଫରକ ପଡ଼ିବ ନାହିଁ ବୋଲି ଦିଲୀପ କହିଛନ୍ତି ।
