ଯାଜପୁର : କଳ୍ପତରୁ ଦାସ ଷ୍ଟାଡିୟମଠାରେ ଯୁବ ବିଜେଡି ସଭାପତି କ୍ଷିତୀଶ କୁମାର ନାୟକଙ୍କ ନେତୃତ୍ୱରେ ଧର୍ମଶାଳା ଯୁବ ବିଜେଡିର ଧନ୍ୟବାଦ ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ରାଜ୍ୟ ବିଜୁ ଜନତା ଦଳ ସାଧାରଣ ସମ୍ପାଦକ (ଯୁବ ବ୍ୟାପାର) ତଥା ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ ଧର୍ମଶାଳା ଯୁବ ବିଜେଡିକୁ ଧନ୍ୟବାଦ ଜଣାଇଛନ୍ତି । ଚଳିତ ବର୍ଷ ତ୍ରୀସ୍ତରୀୟ ନିର୍ବାଚନରେ ଧର୍ମଶାଳା ଯୁବ ବିଜେଡିକୁ ଶ୍ରୀ ବଳବନ୍ତରାୟ ୭ଗୋଟି ଜିଲ୍ଲା ପରିଷଦଙ୍କୁ ବିଜୟୀ କରିବାର ଦାୟିତ୍ୱ ଦେଇଥିଲେ। ଧର୍ମଶାଳା ଯୁବ ବିଜେଡି କର୍ମକର୍ତ୍ତାଙ୍କର ଅକ୍ଳାନ୍ତ ପରିଶ୍ରମ ଏବଂ ସାଧାରଣ ଲୋକଙ୍କର ଆଶୀର୍ବାଦ ବିଜୁ ଜନତା ଦଳ ଉପରେ ରହିଥିବାରୁ ବହୁ ବ୍ୟବଧାନରେ ୭ଗୋଟି ଜିଲ୍ଲା ପରିଷଦବିଜେଡି ପ୍ରାର୍ଥୀମାନେ ବିଜୟ ଲାଭ କରିଛନ୍ତି । ସେଥିପାଇଁ ଧର୍ମଶାଳା ଯୁବ ବିଜେଡିର ସମସ୍ତ କର୍ମକର୍ତ୍ତା ଓ ଧର୍ମଶାଳାର ସାଧାରଣ ଜନତାଙ୍କୁ ବିଧାୟକ ପ୍ରଣବ କୁମାର ବଳବନ୍ତରାୟ ଧନ୍ୟବାଦ ଜଣାଇଛନ୍ତି।
ରବିବାର ଯୁବ ଜନତା ଦଳର କର୍ମର୍କାମାନେ ଏକ ବିରାଟ ପଟୁଆରରେ ବିଧାୟକଙ୍କୁ ସ୍ୱାଗତ କରି ସଭା ସ୍ଥଳକୁ ପାଛୋଟି ନେଇଥିଲେ ଓ ସଭାରେ ଯୋଗଦେଇ ବିଧାୟକ ପ୍ରଦୀପ ପ୍ରଜ୍ଜ୍ୱଳନ କରିଥିଲେ ଏବଂ ଧର୍ମଶାଳା ବିଜେଡି ବାଳିକା ଶାଖାର କର୍ମକର୍ତ୍ତାମାନେ ବନ୍ଦେ ଉତ୍କଳ ଜନନୀ ଗାନ କରିଥିଲେ ଏବଂ ୫୪ ଗୋଟି ପଞ୍ଚାୟତରେ ଦଳପାଇଁ ଚଳିତ ନିର୍ବାଚନରେ ଭଲ କାମ କରିଥିବା ପ୍ରତ୍ୟେକ ପଞ୍ଚାୟତରୁ ୫ଜଣ ଯୁବ ସଦସ୍ୟ ଏବଂ ଯୁବ ଜନତା ଦଳର କର୍ମକର୍ତ୍ତାଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ବିଜୁ ଜନତା ଦଳର ଯୁବ କର୍ମକର୍ତ୍ତାମାନେ ସାଧାରଣ ଲୋକଙ୍କର ପ୍ରିୟଭାଜନ ହେବା ସହିତ ଲୋକମାନଙ୍କ ସମସ୍ୟା ସହିତ ଜଡିତ ହୁଅନ୍ତୁ ଏବଂ ଧର୍ମଶାଳାରେ ଚାଲୁ ରହିଥିବା ବିକାଶରେ ସବୁ ଯୁବ କର୍ମୀମାନେ ଅଂଶଗ୍ରହଣ କରନ୍ତୁ ବୋଲି ବିଧାୟକ ପରାମର୍ଶ ଦେଇଥିଲେ। ଯୁବ କର୍ମକର୍ତ୍ତା ମାନେ ଆଗାମୀ ଦିନରେ ଦଳର ସଂଗଠନକୁ ଓ ବିଧାୟକଙ୍କ ହାତ ମୁଠାକୁ ମଜବୁତ କରିବା ସହିତ ଧର୍ମଶାଳା ବିକାଶରେ ସମସ୍ତେ ସାମିଲ ହେବୁ ବୋଲି ବକ୍ତବ୍ୟ ରଖିଥିଲେ। ଏହି କାର୍ଯ୍ୟକ୍ରମରେ ସୁବ୍ରତ ଧଳ, ବିକାଶ ଦାସ, ଯତିନ୍ଦ୍ର ପ୍ରଧାନ, ସଞ୍ଜୟ ନାୟକ, ଚନ୍ଦନ ଓଝା, ଅରୁପ ନାରାୟଣ ପ୍ରସାଦ, ଜିତେନ୍ଦ୍ର ପାଲ, ଶକ୍ତି ରଞ୍ଜନ ଦାସ, ରିତେଶ ମିଶ୍ର, ଜୟନ୍ତ ଜେନା, ପ୍ରହଲ୍ଲାଦ ପାତ୍ର, ଦୀପକ ଦାସ, ପ୍ରସନ୍ନ ରାଉତ, ସ୍ମୃତିରଞ୍ଜନ ବେହେରା, ବୁଲୁ ବେହେରା, ମନରଞ୍ଜନ ସାମଲ, ରବିନ୍ଦ୍ରନାଥ ସେନାପତି ପ୍ରମୁଖ ବକ୍ତବ୍ୟ ରଖିଥିଲେ ଏବଂ ବିଜୁ ଜନତା ଦଳର ସମସ୍ତ କର୍ମକର୍ତ୍ତାମାନେ ଉପସ୍ଥିତ ରହି ସହଯୋଗ କରିଥିଲେ। ଶେଷରେ ରସୁଲପୁର ବ୍ଲକ୍ ଯୁବ ବିଜେଡି ସମ୍ପାଦକ ସତ୍ୟବ୍ରତ ସାହୁ ଧନ୍ୟବାଦ ଜଣାଇଥିଲେ।
Comments are closed.