ଧର୍ମଗଡ଼: ଶିକ୍ଷକ ନିଯୁକ୍ତି ଦାବିରେ ଧର୍ମଗଡ ବ୍ଳକ ଅନ୍ତର୍ଗତ ବେହେରାଗୁଡା ଉଚ୍ଚ ପ୍ରାଥମିକ ବିଦ୍ୟାଳୟ ଫାଟକରେ ତାଲା ପକାଇ ଛାତ୍ରଛାତ୍ରୀ ଓ ଗ୍ରାମବାସୀ ମାନେ ଅନିର୍ଦ୍ଦିଷ୍ଟ କାଳ ପାଇଁ ଧାରଣାରେ ବସିଛନ୍ତି । ସ୍କୁଲରେ ମୋଟ ୪୧୧ ଛାତ୍ରଛାତ୍ରୀ ଥିବାବେଳେ ସ୍କୁଲରେ ମାତ୍ର ସାତ ଜଣ ଶିକ୍ଷକ ଅଛନ୍ତି । ଶିକ୍ଷା ଅଧିକାର ନିୟମ ଅନୁଯାୟୀ ଏହି ସ୍କୁଲରେ ଅତି କମରେ ୧୪ଜଣ ଶିକ୍ଷକ ନିଯୁକ୍ତି ଦେବା କଥା । କିନ୍ତୁ ସ୍କୁଲରେ ଶିକ୍ଷକ ନିଯୁକ୍ତି ଦେବା ବଦଳରେ ବରଂ ଏହି ସ୍କୁଲରୁ ଶିକ୍ଷା ବିଭାଗ ଶିକ୍ଷକ ଅପସାରଣ କରିବାରେ ଲାଗିଛି । ଯାହାକୁ ଶିକ୍ଷା କମିଟି ବିରୋଧ କରିବା ସହ ଛାତ୍ରଛାତ୍ରୀ ଅନୁପାତରେ ଶିକ୍ଷକ ନିଯୁକ୍ତି କରିବାକୁ ଦାବି କରିଛି । ଶିକ୍ଷକ ନିଯୁକ୍ତି ନଦେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଧାରଣା ପ୍ରଦର୍ଶନ କରାଯିବ ବୋଲି କମିଟି ପ୍ରକାଶ କରିଛି ।
Comments are closed.