ଭୁବନେଶ୍ୱର: ଭାରତର ଲୋକପ୍ରିୟ ହୋମ ଇଣ୍ଟେରିଅର ସଲ୍ୟୁସନ୍ସ ବ୍ରାଣ୍ଡ ଡିଜାଇନ କ୍ୟାଫେ ଭୁବନେଶ୍ୱରରେ ଏହାର ପ୍ରଥମ ଏକ୍ସପେରିଏନ୍ସ ସେଣ୍ଟରର ଶୁଭାରମ୍ଭ କରିଛି। ଜାତୀୟସ୍ତରରେ ସଂସ୍ଥାର ଏହା ୧୯ତମ ଷ୍ଟୋର। ପୁରସ୍କାରପ୍ରାପ୍ତ ଆର୍କିଟେକ୍ଟ ଏବଂ ସହପ୍ରତିଷ୍ଠାତା ଗୀତା ରାମନନ ଓ ସିଜାନ ଭୋଜାନିଙ୍କ ଦ୍ୱାରା ସ୍ଥାପିତ ଡିଜାଇନ କ୍ୟାଫେର ଏହି ଷ୍ଟୋର ୨୦୦୦ ବର୍ଗଫୁଟ ଅଂଚଳରେ ପରିବ୍ୟାପ୍ତ। ୨ ବିଏଚକେ ସାମ୍ପୁଲ ଫ୍ଲାଟ, ମଡ୍ୟୁଲାର କିଚେନ, ଓ୍ବାରଡ୍ରୋବ, ବେଡରୁମ ଓ ଲିଭିଙ୍ଗ ଏରିଆ ଆଦିର ଡିଜାଇନ ସାମ୍ପୁଲ ଷ୍ଟୋରରେ ଉପଲବ୍ଧ ରହିଛି। ଘର ମାଲିକମାନେ ସଂସ୍ଥା ଜରିଆରେ ୫୧,୦୪୦ରୁ ଅଧିକ ଡିଜାଇନକୁ ବାଛି ପାରିବେ ଏବଂ ଦକ୍ଷ ଇଣ୍ଟେରିଅର ଡିଜାଇନରଙ୍କ ସିଧାସଳଖ ପରାମର୍ଶ ମଧ୍ୟ ନେଇପାରିବେ।
ସହ-ପ୍ରତିଷ୍ଠାତା ଗୀତା ରାମନନ ଓ ସିଜାନ ଭୋଜାନି କହିଛନ୍ତି, “ଆମେ ଭାରତର ମନ୍ଦିରମାଳିନୀ ସହର ତଥା ଓଡିଶାର ସାଂସ୍କୃତିକ ପ୍ରାଣକେନ୍ଦ୍ର ଭୁବନେଶ୍ୱରକୁ ଡିଜାଇନ କ୍ୟାଫେର ଡିଜାଇନ ଉଦ୍ଭାବନ ଓ ଗୁଣବତାର ସିଗ୍ନେଚର ମିଶ୍ରଣ ଆଣି ଗର୍ବିତ। ଏହି ନୂଆ ଏକ୍ସପେରିଏନ୍ସ ସେଣ୍ଟର ଭାରତର ଘର ମାଲିକଙ୍କ ପାଇଁ ବିଶ୍ୱସ୍ତରୀୟ ଇଣ୍ଟେରିଅରକୁ ଉପଲବ୍ଧ କରିବା ଲାଗି ଆମର ଯାତ୍ରା କ୍ଷେତ୍ରରେ ଏକ ବଡ ସଫଳତା।”
