କାମାକ୍ଷାନଗର : କାମାକ୍ଷାନଗର ଉପଖଣ୍ଡ ଭୁବନ ଥାନା ଅନ୍ତର୍ଗତ ଜାତୀୟରାଜପଥ ୫୩ ନୀଳମାଧବ ପେଟ୍ରୋଲ ପମ୍ପ ନିକଟରେ ଅଜଣା ଗାଡି ଧକ୍କାରେ ସାଇକେଲ ଆରୋହୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାଯାଇଛି । ମିଳିଥିବା ସୂଚନା ଅନୁସାରେ, ମୃତକ ହେଉଛନ୍ତି ଯାଜପୁର ଜିଲା ଦାନଗଦୀ ବ୍ଲକ ଅନ୍ତର୍ଗତ ଗୋଡିବନ୍ଧ ଗ୍ରାମର ବିଷୁ ଜେନା । କିଛି ଦିନ ହେବ ବିଷୁ ନିଜ ସ୍ତ୍ରୀ ଓ ୪ ସନ୍ତାନଙ୍କୁ ନେଇ ଶଶୁର ଘର ଭୁବନ ନଟାକଟା କଲୋନୀ ସାହିକୁ ଆସିଥିଲେ। ଗତକାଲି ସନ୍ଧ୍ୟାରେ ଏକ ସାଇକେଲ ଯୋଗେ ଭୁବନରୁ ବଜାର କାମ ସାରି ରାତି ନଅଟା ସମୟରେ ଶଶୁର ଘରକୁ ଫେରୁଥିଲେ। ନୀଳମାଧବ ପେଟ୍ରୋଲ ପମ୍ପରୁ ରାସ୍ତା ପାର ହୋଇ ନିଜ ବାମ ପଟରେ ଯାଉଥିବା ସମୟରେ ପଛପଟୁ ଏକ ଅଜଣା ଗାଡି ଚଢାଇ ଚାଲିଯାଇଥିଲା । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରି ବ୍ୟବଚ୍ଛେଦ କରିଥିବା ଜଣାପଡ଼ିଛି।
Popular Categories
Previous article
Next article