ପାତ୍ରପୁର : ଜରଡା ଥାନା ଜରଡା ଗଡ଼ ମଶାଣିରୁ ପୁଲିସ ଜଣେ ବୃଦ୍ଧାଙ୍କ ମୃତ ଦେହ ଜବତ କରିଛି । ତାଙ୍କ ନାମ ସୁଦେଷ୍ଟା ସାହୁ ୭୫ବର୍ଷ ବୋଲି ଜଣା ପଡ଼ିଛି। ଶୁକ୍ରବାର ସକାଳେ ଏହି ବୃଦ୍ଧାଙ୍କ ମୃତ ଦେହ ନୂଆସାହିର ଏକ କୂଅରେ ପଡିଥିବା ଦେଖିବାକୁ ମିଳିଥିଲା । କିଛି ବ୍ୟକ୍ତି କୂଅ ମଧ୍ୟରୁ ଉଦ୍ଧାର କରି ପୋଡିବା ପାଇଁ ମଶାଣି ନେଇଥିବା ବେଳେ ଜରଡ଼ା ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ବ୍ରହ୍ମପୁର ପଠାଇଛି । ଏନେଇ ଏକ ଅପମୃତ୍ୟୁ ମାମଲା ମଧ୍ୟ ରୁଜୁ ହୋଇଛି । ତେବେ ବୃଦ୍ଧା ଜଣକ ପୁଅ ବୋହୂଙ୍କ ଠାରୁ ଅଲଗା ରହୁଥିଲେ । କେଉଁ କାରଣରୁ କୂଅ ମଧରେ ପଡି ଯାଇଥିଲେ ନା ଅନ୍ୟ କିଛି କାରଣ ଅଛି ସେ ନେଇ ପୁଲିସ ତଦନ୍ତ ଚଳାଇଛି। ତେବେ ବ୍ୟବଚ୍ଛେଦ ରିପୋର୍ଟ ଆସିଲେ ପ୍ରକୃତ କାରଣ ଜଣା ପଡିବ ବୋଲି ଥାନା ଅଧିକାରୀ ଭବାନନ୍ଦ ପ୍ରଧାନ କହିଛନ୍ତି।
Comments are closed.