ଡେସ୍କ: ଦନ୍ତେୱାଡା ନକ୍ସଲ ବିସ୍ଫୋରଣରେ ସହିଦ ହୋଇଥିବା ୧୦ ଜଣ ଯବାନ ଓ ଡ୍ରାଇଭରଙ୍କ ମୃତଦେହ ଉଦ୍ଧାର କରାଯାଇଛି। ବସ୍ତର ଆଇଜି କହିଛନ୍ତି, ବିସ୍ଫୋରଣରେ ସହିଦ ହୋଇଥିବା ଜିଲ୍ଲା ରିଜର୍ଭ ଗାର୍ଡର ୧୦ ଜଣ ଯବାନ ଓ ଡ୍ରାଇଭରଙ୍କ ପାର୍ଥିବ ଶରୀର ଉଦ୍ଧାର କରାଯାଇଛି ଓ ସେଗୁଡିକୁ ଆମ୍ବୁଲାନ୍ସ ଦ୍ୱାରା ପୁଲିସ ମୁଖ୍ୟାଳୟକୁ ଅଣାଯାଉଛି। ସେହି ଅଂଚଳରେ ସର୍ଚ୍ଚ ଅପରେସନ ଜୋରଦାର କରାଯାଇଥିବା ସେ କହିଛନ୍ତି।
ସୂଚନା ଅନୁଯାୟୀ, ପ୍ରାୟ ୪୦-୫୦ କିଲୋଗ୍ରାମର ଆଇଇଡି ବିସ୍ଫୋରଣ କରାଯାଇଛି। ଅନ୍ୟପକ୍ଷରେ ନକ୍ସଲ ଏକତ୍ରିତ ହୋଇଥିବା ସୂଚନା ମିଳିବା ପରେ ସମ୍ପୃକ୍ତ ଅଂଚଳକୁ ଜିଲ୍ଲା ରିଜର୍ଭ ଗାର୍ଡର ଯବାନମାନଙ୍କୁ ପଠାଯାଇଥିଲା। ତେବେ କେଉଁ ସୂତ୍ରରୁ ଏହି ସୂଚନା ମିଳିଥିଲା ଓ ସେହି ସୂଚନା ଯବାନମାନଙ୍କ ଉପରେ ଆକ୍ରମଣ କରିବା ପାଇଁ ଉଦ୍ଦିଷ୍ଟ ଥିଲା କି ନାହିଁ ସେ ନେଇ ଏବେ ଛତିଶଗଡ଼ ପୁଲିସ ମୁଖ୍ୟାଳୟ ରାୟପୁରରେ ଏକ ଜରୁରୀ ବୈଠକ ଚାଲିଛି।
Strongly condemn the attack on the Chhattisgarh police in Dantewada. I pay my tributes to the brave personnel we lost in the attack. Their sacrifice will always be remembered. My condolences to the bereaved families.
— Narendra Modi (@narendramodi) April 26, 2023
ଏହି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହା ଦୁଃଖ ପ୍ରକାଶ କରିଛନ୍ତି। ଶ୍ରୀ ଶାହା ଛତିଶଗଡ଼ ମୁଖ୍ୟମନ୍ତ୍ରୀଙ୍କ ସହ ଏ ନେଇ ଆଲୋଚନା କରିଛନ୍ତି ଓ ସମସ୍ତ ସହାୟତା ଯୋଗାଇ ଦେବା ପାଇଁ ପ୍ରତିଶୃତି ଦେଇଛନ୍ତି।
