ଭାରତୀୟମାନେ ପ୍ରତିଦିନ ଡାଲି ନିଜ ଭୋଜନରେ ସାମିଲ କରିଥାନ୍ତି। ଦ୍ବିପହର, ରାତ୍ରିଭୋଜନରେ ଅଧିକାଂଶ ଡାଲି ଖାଇବାକୁ ପସନ୍ଦ କରୁଥିବାବେଳେ ଏହା ମଧ୍ୟ ସ୍ବାସ୍ଥ୍ୟ ପାଇଁ ହିତକାରୀ। ବିଭିନ୍ନ ଉପାୟରେ ଡାଲିକୁ ଛୁଙ୍କ ଦେଇ ଏହି ବ୍ୟଞ୍ଜନକୁ ଅଧିକ ସୁଆଦିଆ କରିପାରିବେ।
– ଦକ୍ଷିଣ ଭାରତୀୟ ସମ୍ବର ଡାଲ ତଡ଼କାର ସ୍ବାଦ ରେସ୍ତୋରାଁରେ ଖାଇବାକୁ ମିଳେ। ଘରେ ମଧ୍ୟ ସହଜରେ ଏହା କରିପାରିବେ। କଡେଇରେ ସୋରିଷ ତେଲ ଗରମ କରି ଭୁର୍ସୁଙ୍ଗ ପତ୍ର ୫-୭ଟି ଫୁଟାଇବେ। ଏବେ ମେଥି ଅଧ ଚାମଚ, ବିରି ଡାଲି ଅଧ ଚାମଚ, ସୋରିଷ ୧ ଚାମଚ ପକାଇ କଡ଼େଇକୁ କିଛି ସମୟ ଘୋଡ଼ାଇ ଦିଅନ୍ତୁ। ଏହି ଛୁଙ୍କକୁ ସିଝା ଡାଲିରେ ପକାଇ ଘୋଡ଼ଣି ଦେଇ ୨-୩ ମିନିଟ୍ ଫୁଟାଇ ଚୁଲା ବନ୍ଦ କରିବେ। ଗରମ ଭାତ ଓ ରୁଟି ସହ ସମ୍ବର ଡାଲ ତଡ଼କାର ସ୍ବାଦ ଖୁବ୍ ମଜାଦାର।
– ଜିରା-ହେଙ୍ଗୁ ତଡ଼କା; ପେଟ ପାଇଁ ଭଲ ହେଙ୍ଗୁକୁ ପ୍ରତ୍ୟେକ ବ୍ୟଞ୍ଜନରେ ଅଳ୍ପ ପରିମାଣରେ ବ୍ୟବହାର କରିପାରିବେ। କଡେଇରେ ତେଲ ଗରମ କରି ଶୁଖିଲା ଲଙ୍କା, ଜିରା ଏକତ୍ର ପକାଇବେ। ଏବେ ପିଆଜକୁ ଭଲରେ ଛେଚି ପକାଇବା ସହ ହେଙ୍ଗୁ ୧ଚାମଚ ମଧ୍ୟ ପକାନ୍ତୁ। ହେଙ୍ଗୁର ବାସ୍ନା ଓ ସ୍ବାଦ ଉଭୟ ଭଲ। ୩୦ ସେକେଣ୍ଡ ଏପରି ରହିବା ପରେ ସିଝା ଡାଲିରେ ଛୁଙ୍କ ପକାଇ ଘୋଡ଼ଣି ଦେବେ।
– ଢାବା ଷ୍ଟାଇଲ୍ ତଡ଼କାରେ ସୋରିଷ ତେଲକୁ ଗରମ କରିବା ପରେ ଶୁଖିଲା ଲଙ୍କା, ଜିରା, ସୋରିଷ, ଭୁର୍ସୁଙ୍ଗ ପତ୍ର, ଧନିଆ ଗୁଣ୍ଡ ପକାଇେବ। ଅଧ ଚାମଚ ଚିନି ସହ ଛେଚା ରସୁଣକୁ ମିଶାନ୍ତୁ। ସଙ୍ଗେସଙ୍ଗେ ଡାଲିରେ ଏଇ ଛୁଙ୍କ ପକାଇ ଗରମାଗରମ ଭାତ ସହ ଖାଇଲେ ଏହାର ସ୍ବାଦ ଜାଣିପାରିବେ।
– ସୋରିଷ ତେଲକୁ କଡେଇରେ ଗରମ କରି ଶୁଖିଲା ଲଙ୍କା, କଳା ଜିରାର ଛୁଙ୍କ ଦେଇ ସିଝା ଡାଲିରେ ମିଶାନ୍ତୁ। ଏହା ଏକ ସରଳ ଉପାୟ କିନ୍ତୁ ଖୁବ୍ ସୁଆଦିଆ।
Comments are closed.