କଟକ: କଟକ ବାରବାଟୀ ଷ୍ଟାଡିୟମରେ ଡ଼ିସେମ୍ବର ୯ ତାରିଖରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ପାଞ୍ଚ ମ୍ୟାଚ୍ ବିଶିଷ୍ଟ ୨୦-୨୦ ଶୃଙ୍ଖଳାର ପ୍ରଥମ ମ୍ୟାଚ୍ ଖେଳାଯିବ। ଏଥିପାଇଁ ଓସିଏ ପକ୍ଷରୁ ପ୍ରସ୍ତୁତି ଜୋରଦାର ଚାଲିଛି। ବାରବାଟୀ ରେ ଏହା ହେବ ଚତୁର୍ଥ ଅନ୍ତରଜାତୀୟ ୨୦-୨୦ ମ୍ୟାଚ୍ । ପୂର୍ବରୁ ଏଠାରେ ତିନୋଟି ୨୦-୨୦ ମ୍ୟାଚ୍ ଖେଳାଯାଇଛି । ଭାରତ ତିନୋଟି ଯାକ ମ୍ୟାଚ୍ ଖେଳି ଗୋଟିଏ ଜିତିଥିବାବେଳେ ଦୁଇଟି ପରାଜିତ ହୋଇଛି। ଦକ୍ଷିଣ ଆଫ୍ରିକା ବାରବାଟୀ ରେ ଦୁଇଟି ମ୍ୟାଚ୍ ଖେଳି ଦୁଇଟି ଯାକ ମ୍ୟାଚ୍ ରେ ବିଜୟ ହାସଲ କରିଛି।
ଡ଼ିସେମ୍ବର୍ ୯ ରେ ଖେଳାଯିବାକୁ ଥିବା ମ୍ୟାଚ୍ ଲାଗି ଦୁଇଟି ପିଚ୍ ପ୍ରସ୍ତୁତ କରାଯାଇଛି। ସେଥିମଧ୍ୟରୁ ଗୋଟିଏ ପିଚ୍ ରେ ମ୍ୟାଚ୍ ଖେଳଜିବ। ଏହି ମାଚ ରାତି ୭ଟା ରୁ ଖେଳାଯିବ l ରାତିରେ ମ୍ୟାଚ୍ ଅନୁଷ୍ଠିତ ହେଉଥିବାରୁ କାକର ଅନୁଭୁତ ହେବ। କାକର କୁ ଏଡାଇବା ନେଇ ଓସିଏ ପକ୍ଷରୁ ପଦକ୍ଷେପ ନିଆଯାଇଛି। ବାରବାଟୀ ଷ୍ଟାଡିଅମ ପରିସର ଓ ବାହାରେ ଆବଶ୍ୟକ ମରାମତି କାର୍ଯ୍ୟ ଜାରି ରହିଛି। ଆସନ୍ତା ପହିଲା ରେ ବିସିସିଆଇ ଦଳ ବାରବାଟୀ ଷ୍ଟାଡିଅମ ପଡିଆ ଓ ପିଚ ପରିଦର୍ଶନ ରେ ଆସିବେ ବୋଲି ଜଣାପଡିଛି । ବିସିସିଆଇ ଦଳର ପରାମର୍ଶ କ୍ରମେ ପଡିଆ ଓ ପିଚର କାମ କରାଯିବ ବୋଲି ସୂଚନା ମିଳିଛି।
