ରେଢ଼ାଖୋଲ: ସମଗ୍ର ଦେଶକୁ କେନ୍ଦ୍ର ସରକାର ତାଲାବନ୍ଦ ଘୋଷଣା କରିବା ପରେ ବାହାର ରାଜ୍ୟରେ ଫସିରହିଥିବା ଶ୍ରମିକ ମାନେ ଏବେ ଘର ବାହୁଡା ଆରମ୍ଭ କରିଦେଇଛନ୍ତି। ଯଦିଓ ରାଜ୍ୟ ସରକାରଙ୍କ ପକ୍ଷରୁ ଶ୍ରମିକ ମାନଙ୍କ ପାଇଁ ବିଭିନ୍ନ ସୁବିଧା କରିଛନ୍ତି। ତଥାପି ଶତାଧିକ ଶ୍ରମିକ ରାଜପଥ,ରେଳପଥରେ ଚାଲିଚାଲି ତ ଆଉ କେତେକ ବିପଦ ପୁର୍ଣ୍ଣ ଅବସ୍ଥାରେ ଟ୍ରକରେ ଲୁଚିଛପି ନିଜ ରାଜ୍ୟକୁ ଫେରୁଛନ୍ତି। ତାଲାବନ୍ଦ ଦିନ ଠାରୁ କାମଧନ୍ଦା ବନ୍ଦ ହୋଇଯିବାରୁ ବିଭିନ୍ନ ରାଜ୍ୟରେ ଫସିରହିଥିବା ଶ୍ରମିକ/କର୍ମଚାରୀ ବେରୋଜଗାର ହୋଇପଡିଥିବା ବେଳେ ଅନ୍ୟପଟେ କରୋନା ଭୂତାଣୁର ସଂକ୍ରମଣର ଭୟ ରହିଛି। ସେହିପରି ଭୋକଉପାସରେ ରହିବା ସହିତ ବହୁ ଦୁର୍ଦ୍ଦିନରେ ଅତିବାହିତ କରୁଥିବା ଶ୍ରମିକ ମାନେ ଜୀବନକୁ ବାଜି ଲଗାଇ ଯାତ୍ରା କରୁଛନ୍ତି। ଆଜି ଆନ୍ଧ୍ରପ୍ରଦେଶ ବିଶାଖାପାଟଣାର ଏକ ରଙ୍ଗ କାରଖାନାରେ କାମ କରୁଥିବା ୨୦ ଜଣ ଶ୍ରମିକ ସେଠାରୁ ସାଇକେଲରେ ସେମାନଙ୍କ ଘର ଥିବା ଛତିଶଗଡକୁ ଯାତ୍ରାରେ ବାହାରିଛନ୍ତି। ବିଶାଖାପାଟଣାରୁ ସେମାନଙ୍କ ଘରର ଦୂରତା ୯୦୦ କିଲୋମିଟର ହେବ। ତେବେ ଏ ପର୍ଯ୍ୟନ୍ତ ସେମାନେ ୪୦୦ ଶହ କିଲୋମିଟର ରାସ୍ତା ସାଇକେଲରେ ଅତିକ୍ରମ କରିସାରିଲେଣି ବୋଲି ଜଣାପଡ଼ିଛି ।
Comments are closed.