ଝାଡ଼ଖଣ୍ଡ ନିର୍ବାଚନ ରେ କମାଲ୍ ଦେଖାଇଲେ ଓଡ଼ିଆ ଝିଅ – ଏମତି କହିଲେ ମୁଖ୍ୟମନ୍ତ୍ରୀ ହେମନ୍ତ ସୋରେନ୍
ରାଞ୍ଚି/ଭୁବନେଶ୍ୱର (ସମାଜ ଡିଜିଟାଲ୍) – ମହାରାଷ୍ଟ୍ରରେ ବିଜେପିର ମେଣ୍ଟ ମହାୟୁତି ବାଜିମାତ କରିଥିବା ବେଳେ ଝାଡଖଣ୍ଡରେ ବିଜେପିକୁ ସେମିତି ସଫଳତା ମିଳିନାହିଁ । ଝାଡଖଣ୍ଡରେ ପୁଣିଥରେ ହେମନ୍ତ ସୋରେନ୍ ମୁଖ୍ୟମନ୍ତ୍ରୀ ହେବା ପ୍ରାୟ ନିଶ୍ଚିତ । ଝାଡଖଣ୍ଡ ମୁକ୍ତି ମୋର୍ଚ୍ଚା ଏବଂ ଏହାର ମେଣ୍ଟକୁ ପୂର୍ଣ୍ଣ ବହୁମତ ମିଳିଛି । । ୮୧ ଆସନ ବିଶିଷ୍ଟ ବିଧାନସଭାରେ ଝାଡଖଣ୍ଡ ମୁକ୍ତି ମୋର୍ଚ୍ଚା ଏବଂ ଏହାର ମେଣ୍ଟକୁ ୫୭ ଆସନରେ ଆଗୁଆ ରହିଥିବା କଥା କହିଛନ୍ତି ।
ହେମନ୍ତ ସୋରେନ୍ ତାଙ୍କ ଜୀବନରେ ଏହାଠାରୁ କଷ୍ଟକର ନିର୍ବାଚନ ଦେଖି ନଥିବା କଥା କହିଛନ୍ତି । ଏହି ନିର୍ବାଚନ ବିଜୟର ଶ୍ରେୟ ସେ ତାଙ୍କର ପତ୍ନୀ କଳ୍ପନା ସୋରେନ୍ଙ୍କୁ ଦେଇଛନ୍ତି । କଳ୍ପନା ମଧ୍ୟ ବିଧାୟକ ଭାବେ ନିର୍ବାଚିତ ହୋଇଛନ୍ତି । କଳ୍ପନା ସୋରେନ୍ଙ୍କ ଘର ଓଡ଼ିଶାର ମୟୁରଭଞ୍ଜରେ । ସେ ନିଜର ବିଟେକ୍ ସମ୍ପୂର୍ଣ୍ଣ କରିବା ପରେ ହେମନ୍ତଙ୍କ ସହ ତାଙ୍କର ବିବାହ ହୋଇଥିଲା ।
ହେମନ୍ତ ଏଥର ବିଜୟର ଶ୍ରେୟ କଳ୍ପନାଙ୍କ ସହ ତାଙ୍କ ଟିମ୍ଙ୍କୁ ଦେଇଛନ୍ତି । ଝାଡଖଣ୍ଡର ଲୋକ ଏବଂ ମତଦାତାଙ୍କ ଆବଶ୍ୟକତା ଅନୁସାରେ ଜେଏମ୍ଏମ୍ ନିର୍ବାଚନ ଲଢିଥିବାରୁ ବିଜୟ ଲାଭ କରିଥିବା କଥା କହିଛନ୍ତି । ସେ ଜେଲ୍ରେ ଥିବା ବେଳେ କଳ୍ପନା ଓ୍ୱାନ ମ୍ୟାନ ଆର୍ମି ପରି କାମ କରିଥିଲେ ଏବେ ସେମାନେ ଦୁଇ ଜଣ କାର୍ଯ୍ୟ କରିଥିବା କଥା କହିଛନ୍ତି ।
Comments are closed.