ବଦଳିଲା ଚଳଚ୍ଚିତ୍ର ପ୍ରମାଣୀକରଣ ନିୟମ, ୫ଟି ବର୍ଗରେ ମିଳିବ ସାର୍ଟିଫିକେଟ

ଡେସ୍କ: ବଲିଉଡଠାରୁ ଆରମ୍ଭ କରି ଆଞ୍ଚଳିକ ସିନେମା ପର୍ଯ୍ୟନ୍ତ ଭାରତରେ ପ୍ରତିବର୍ଷ ହଜାର ହଜାର ଛୋଟ ବଡ଼ ସିନେମା ନିର୍ମାଣ ହୋଇଥାଏ। କିନ୍ତୁ ଏହି ସିନେମାଗୁଡ଼ିକ ସିଧାସଳଖ ପ୍ରେକ୍ଷାଳୟକୁ ଆସୁନାହିଁ। ଫିଲ୍ମରେ କ’ଣ ଦେଖାଇବେ ଓ କ’ଣ ଦେଖାଇବେ ନାହିଁ, ସେ ସମ୍ପର୍କରେ ନିଷ୍ପତ୍ତି ନେବା ପାଇଁ ସେଣ୍ଟ୍ରାଲ୍ ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ କୁହାଯାଏ। ସେନ୍ସର ବୋର୍ଡ ଅଫ୍ ଫିଲ୍ମ ସାର୍ଟିଫିକେସନ୍ ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନରେ ରହିଛି। ଏହା ଭାରତରେ ଚଳଚ୍ଚିତ୍ର ବିତରଣରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। ସିବିଏଫସି ୪ ଦଶନ୍ଧିରୁ ଅଧିକ ସମୟ ଧରି ଚଳଚ୍ଚିତ୍ର ସାର୍ଟିଫିକେସନ୍ ସମ୍ପର୍କିତ ଏକ ମାନଦଣ୍ଡ ଅନୁସରଣ କରିଛି।

ଭାରତରେ ସେନ୍ସର ବୋର୍ଡ ତରଫରୁ ଫିଲ୍ମକୁ ୪ ପ୍ରକାର ସାର୍ଟିଫିକେଟ୍ ଦିଆଯାଏ। ଯେଉଁଥିରେ ଆପଣ ଅର୍ଥାତ ସମସ୍ତେ ଏଭଳି ଫିଲ୍ମ ଦେଖିପାରିବେ। ସେହିପରି ‘ଏ’ ବର୍ଗର ସିନେମା ଯାହାକୁ କେବଳ ବୟସ୍କମାନେ ଦେଖିପାରିବେ। ସେହିପରି ୟୁ/ଏ ସିନେମା ଦେଖିବା ପାଇଁ ୧୨ ବର୍ଷରୁ କମ୍ ପିଲା ଥିବା ପିତାମାତାଙ୍କ ରହିବା ଜରୁରୀ। ତେବେ ‘ଏସ୍’ ବର୍ଗର ଚଳଚ୍ଚିତ୍ରଗୁଡ଼ିକ ନିର୍ଦ୍ଦିଷ୍ଟ ବର୍ଗର ଲୋକଙ୍କୁ ଦେଖାଇବାକୁ ଉଦ୍ଦିଷ୍ଟ ନଥିଲା। ଏବେ ଏହି ପ୍ରକ୍ରିୟାରେ ସିବିଏଫସି ଏକ ନୂଆ ଅପଡେଟ୍ କରିଛି। ସିବିଏଫସିର ନୂତନ ଅପଡେଟ୍ ଆଣିବାର ଉଦ୍ଦେଶ୍ୟ ହେଉଛି ଅଭିଭାବକମାନଙ୍କୁ ସେମାନଙ୍କ ପିଲାମାନଙ୍କ ପାଇଁ ଉତ୍ତମ ବିଷୟବସ୍ତୁ ସ୍ଥିର କରିବାରେ ସାହାଯ୍ୟ କରିବା। ସିବିଏଫସି ଏବେ ୟୁଏ ୭+, ୟୁଏ ୧୩+, ୟୁଏ ୧୬+ ଏବଂ ‘ଏ’ ବର୍ଗର ଚଳଚ୍ଚିତ୍ରଗୁଡ଼ିକୁ ସାର୍ଟିଫିକେଟ୍ ଦେବ। ଆସନ୍ତୁ ଜାଣିବା ସେଗୁଡିକର ଅର୍ଥ –

‘U’ ବର୍ଗ: ଯଦି ଏହି ବର୍ଗରେ ଫିଲ୍ମକୁ ସାର୍ଟିଫିକେଟ୍ ଦିଆଯାଇଛି ତେବେ ଏହାର ଅର୍ଥ ହେଉଛି ଏହା ଏକ ଫିଲ୍ମକୁ ପିଲା ହୁଅନ୍ତୁ କି ବୟସ୍କ ସବୁ ବୟସର ଦର୍ଶକ ଦେଖିପାରିବେ।
‘UA’ ବର୍ଗ: ୟୁଏ ବର୍ଗର ସମସ୍ତ ବର୍ଗକୁ ବୟସ ଅନୁସାରେ ୪ଟି ଭିନ୍ନ ଭିନ୍ନ ବର୍ଗରେ ବିଭକ୍ତ କରାଯାଇଛି। ପ୍ରଥମଟି ହେଉଛି ୟୁଏ ୭+, ଦ୍ବିତୀୟଟି ୟୁଏ ୧୩+ ଏବଂ ତୃତୀୟଟି ୟୁଏ ୧୬+। ଯଦି ଏଭଳି ଫିଲ୍ମକୁ ଏହି ବର୍ଗରେ ରଖାଯାଏ ତେବେ ତାହା କେବଳ ପିଲାଙ୍କ ମଧ୍ୟରେ ସୀମିତ ନ ରହି ଗୋଟିଏ ବୟସ ଅନୁସାରେ କିଛି ସତର୍କତା ଅବଲମ୍ବନ କରାଯାଇଥାଏ।
‘UA 7+’ ବର୍ଗ: ଏହି ଶ୍ରେଣୀର ଅର୍ଥ ହେଉଛି ଏହି ଚଳଚ୍ଚିତ୍ରଗୁଡ଼ିକ ୭ ବର୍ଷ କିମ୍ବା ତା’ଠାରୁ ଅଧିକ ବୟସର ପିଲାମାନେ ଦେଖିପାରିବେ। ତେବେ ଏହି ବର୍ଗରେ ଅଭିଭାବକ ସେମାନଙ୍କ ଛୋଟ ପିଲାଙ୍କ ପାଇଁ ଫିଲ୍ମ ଠିକ୍ କି ନାହିଁ ତାହା ସ୍ଥିର କରିପାରିବେ।
‘UA 13+’ ବର୍ଗ: ଏହି ଶ୍ରେଣୀର ଅର୍ଥ ହେଉଛି ଏହି ଚଳଚ୍ଚିତ୍ରଗୁଡ଼ିକ ୧୩ ବର୍ଷ କିମ୍ବା ତା’ଠାରୁ ଅଧିକ ବୟସର ପିଲାମାନେ ଦେଖିପାରିବେ।
‘UA 16+’ ବର୍ଗ: ଏହି ବର୍ଗର ସାର୍ଟିଫିକେଟ୍ ପିତାମାତା କିମ୍ବା ଅଭିଭାବକମାନଙ୍କୁ ସେମାନଙ୍କ ୧୬ ବର୍ଷରୁ ଅଧିକ ବୟସର ପିଲାଙ୍କ ପାଇଁ ଉପଯୁକ୍ତ ବୋଲି ସୁନିଶ୍ଚିତ କରିବା ପାଇଁ ମାର୍ଗଦର୍ଶନ କରିବ।
‘A ‘ ବର୍ଗ: ଏହି ବର୍ଗରେ ସେହି ଫିଲ୍ମ ରଖାଯିବ ଯାହାକୁ ୧୮ ବର୍ଷ କିମ୍ବା ତା’ଠାରୁ ଅଧିକ ବୟସର ଲୋକ ଦେଖିପାରିବେ।