ଟିଟିଲାଗଡ଼: ଟିଟିଲାଗଡ଼ ଉପଖଣ୍ଡ ମୁଖ୍ୟ ଡାକ୍ତରଖାନାରେ ଅବ୍ୟବସ୍ଥା ନେଇ କଂଗ୍ରେସ ଦଳ ପକ୍ଷରୁ ଆଜି ଉପଜିଲ୍ଲାପାଳଙ୍କ କାର୍ୟ୍ୟାଳୟ ସମ୍ମୁଖରେ ଧାରଣା ଦିଆଯାଇଛି। ଡାକ୍ତରଖାନାରେ ରୋଗୀ ସେବା ବ୍ୟାହତ ହୋଇଛି, ସରକାରୀ ଔଷଧ ଘରୋଇ ଡାକ୍ତରଖାନାରେ ବିକ୍ରୟ ହେଉଥିବା, ଆବଶ୍ୟକ ଡାକ୍ତର ଏବଂ ଚିକିତ୍ସା ଉପକରଣ ଅଭାବ ଆଳ କରି ରୋଗୀଙ୍କୁ ଅନ୍ୟତ୍ର ରେଫର କରାଯିବା, ଡାକ୍ତରଖାନାରେ ଦଲାଲ ରାଜ, ଗରିବଙ୍କୁ ମାଗଣା ଔଷଧ ପ୍ରଦାନ ବଦଳରେ କିଣିବାକୁ ବାଧ୍ୟ କରାଯାଉଥିବା ଆଦି ଅବ୍ୟବସ୍ଥାକୁ ନେଇ ଧାରଣାରେ ବସିଛନ୍ତି କଂଗ୍ରେସ କର୍ମୀ। ଧାରଣା ସଭାରେ ପ୍ରଦେଶ କଂଗ୍ରେସ କମିଟି ସାଧାରଣ ସମ୍ପାଦକ ମୁକେଶ ଜୈନ, ଜିଲା କଂଗ୍ରେସ ଉପସଭାପତି କ୍ଷୀରସାଗର ବର୍ମା, ବରିଷ୍ଠ ନେତା ବାଳକିଷନ ଦୀପ, କୃଷ୍ଣ ସରାଫ, ତୀର୍ଥ ଲୁହା, ଅଭି ବାଗ, ମହେଶ ରାଓ, ତାଜୁ ଖାନ ପ୍ରମୁଖ ବିପର୍ଯ୍ୟସ୍ତ ସ୍ୱାସ୍ଥ୍ୟ ସେବା ନେଇ ସରକାରଙ୍କ ଉପରେ ବାର୍ଷିଥିଲେ। ପରେ ମୁଖ୍ୟମନ୍ତ୍ରୀ ଏବଂ ରାଜ୍ୟପାଳଙ୍କ ଉଦ୍ଦେଶ୍ୟରେ ସହାୟକ ଜିଲ୍ଲାପାଳ ଡ଼ ଲଳିତ ବାଗଙ୍କୁ ଦାବି ପତ୍ର ପ୍ରଦାନ କରିଥିଲେ।
Comments are closed.