ଡେସ୍କ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର ମହିଳା ଓ ଶିଶୁବିକାଶ ବିଭାଗ କାର୍ଯ୍ୟକ୍ରମର ଆଜି ସମୀକ୍ଷା କରିଛନ୍ତି। ବିଭାଗୀୟ ମନ୍ତ୍ରୀ ବାସନ୍ତି ହେମ୍ଭ୍ରମ୍ ବିଭାଗର ସଫଳତା ସମ୍ପର୍କରେ ବିଶଦ ତଥ୍ୟ ଉପସ୍ଥାପନ କରିଥିଲେ। ଫାଇଭ୍-ଟିର ମୂଳମନ୍ତ୍ରକୁ ଆଧାର କରି ମମତା ହିତାଧିକାରୀଙ୍କ ପଞ୍ଜୀକରଣ ଏବଂ ସଠିକ୍ ସମୟରେ ପ୍ରାପ୍ୟ ରାଶି ପ୍ରଦାନ ପାଇଁ ଇ-ମମତା ୨.୦ ଏକ ମୋବାଇଲ ଆପ୍ ଆରମ୍ଭ କରାଯାଇଛି। କୋଭିଡ୍-୧୯ରେ ମୃତ୍ୟୁବରଣ କରିଥିବା ପିତାମାତାଙ୍କ ଅନାଥ ପିଲାମାନଙ୍କ ପାଇଁ ଆଶୀର୍ବାଦ ଯୋଜନାରେ ବିଶେଷ ଯତ୍ନ ନିଆଯାଉଛି।
ରାଜ୍ୟବ୍ୟାପୀ ଅଙ୍ଗନୱାଡୀ କର୍ମୀ ଏବଂ ସହାୟିକାମାନଙ୍କୁ ଠିକ୍ ସମୟରେ ଭତ୍ତା ପ୍ରଦାନ କରିବା ପାଇଁ ବିଭାଗ ପକ୍ଷରୁ ଇ-ମାନଦେୟ ପୋର୍ଟାଲ ବିକଶିତ କରାଯାଇଛି। ୨୦୨୨ ନଭେମ୍ବର ମାସରୁ ରାଜ୍ୟର ସମସ୍ତ ଜିଲ୍ଲାରେ ପୂର୍ଣ୍ଣ ଆହାର ବା ଗୋଷ୍ଠିଭିତ୍ତିକ କୁ-ପୋଷଣକୁ ଦୂର କରିବା ପାଇଁ କାର୍ଯ୍ୟକାରୀ କରାଯାଉଛି ବୋଲି ସେ ସୂଚନା ଦେଇଥିଲେ।
Comments are closed.