ସେଣ୍ଟ୍ ଲୁସିଆ,୭ା୨: ଇଂଲଣ୍ଡ ବିପକ୍ଷରେ ଖେଳାଯିବାକୁ ଥିବା ପାଞ୍ଚଟିକିଆ ଦିନିକିଆ ସିରିଜର ପ୍ରଥମ ଦୁଇଟି ମ୍ୟାଚ ନିମନ୍ତେ ଗୁରୁବାର ଘରୋଇ ୱେଷ୍ଟଇଣ୍ଡିଜର ୧୪ ଜଣିଆ ଦଳ ଘୋଷଣା କରାଯାଇଛି। ଦୀର୍ଘ ଛଅ ମାସ ପରେ ବିସ୍ଫୋରକ ଓପନର କ୍ରିସ ଗେଲ ପୁଣି ଜାତୀୟ ଦିନିକିଆ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ଚଳିତମାସ ୨୦ ଓ ୨୨ରେ ବ୍ରିଜଟାଉନରେ ପ୍ରଥମ ଦୁଇଟି ଦିନିକିଆ ଖେଳାଯାଉଥିବାବେଳେ ୨୫ରେ ୩ୟ ଦିନିକିଆ (ସେଣ୍ଟ ଜର୍ଜସ), ୨୭ରେ ୪ର୍ଥ ଦିନିକିଆ (ସେଣ୍ଟ୍ ଜର୍ଜସ) ଓ ମାର୍ଚ୍ଚ ୨ରେ ୫ମ ଦିନିକିଆ ଗ୍ରସ୍ ଇସ୍ଲେଟ୍ରେ ଖେଳାଯିବ। ଘୋଷିତ ଦଳ: ଜାସନ ହୋଲଡର (ଅଧିନାୟକ), ଫାବିୟାନ ଆଲେନ, ଦେବେନ୍ଦ୍ର ବିଶୁ, ଡାରେନ ବ୍ରାଭୋ, କ୍ରିସ ଗେଲ୍, ସିମ୍ରନ ହେତ୍ମିୟର, ସାଇ ହୋପ୍, ଏଭିନ ଲୁଇସ, ଆସ୍ଲେ ନର୍ସ, କିମୋ ପଲ୍, ନିକୋଲାସ ପୁରନ, ରୋଭ୍ମ୍ୟାନ ପୱେଲ, କେମାର ରୋଚ୍ ଓ ଓସାନେ ଥୋମାସ।
