bjd  ek lkhya koti banner

ନୁଆପାଟଣା ମଧୁସେତୁ ଟଙ୍କା ଲୁଟ ଘଟଣାର ପର୍ଦ୍ଦାଫାସ

mission shakti banner

ଚୌଦ୍ୱାର: ନୂଆପାଟଣା ନିକଟ ମଧୁସେତୁ ପାଖରେ ବୁଧବାର ରାତିରେ ହୋଇଥିବା ଟଙ୍କା ଲୁଟ ଘଟଣାର ପଦ୍ଦାଫାସ କରିଛି ଚୌଦ୍ୱାର ପୁଲିସ।ଏହି ଚୋରି ଘଟଣାର ନାଟକ ଅଭିଯୋଗକାରୀ କାର ଡ୍ରାଇଭର ନିଜେ ରଚିଥିବା ପୁଲିସ ପ୍ରକାଶ କରିଛି। ଉକ୍ତ ଡ୍ରାଇଭର ଖୁଣ୍ଟୁଣୀ ଥାନା ମହାଲକ୍ଷ୍ମୀପୁର ଗ୍ରାମର କୃଷ୍ନ ଚନ୍ଦ୍ର ବେହେରାକୁ ପୋଲିସ୍‍ ଗିରଫ କରିବା ସହିତ ତା ନିକଟରୁ ଚୋରି ଯାଇଥିବା ସମୁଦାୟ ୧ଲକ୍ଷ ୩୩ ହଜାର ୯୩୪ଟଙ୍କା ଜବତ କରିଛି।

ସୂଚନାଯୋଗ୍ୟଯେ ଚୌଦ୍ୱାର ଥାନା ଅନ୍ତର୍ଗତ ନୂଆପାଟଣା ମଧୁସେତୁ ନିକଟରେ ବୁଧବାର ବିଳମ୍ବିତ ରାତିରେ ଦୁର୍ବୁତ୍ତମାନେ ଏକ କାରକୁ ଅଟକାଇ ଡ୍ରାଇଭର ମୁଣ୍ଡରେ ବନ୍ଧୁକ ଲଗାଇ ତା ନିକଟରୁ ୧ଲକ୍ଷ ୩୪ ହଜାର ଟଙ୍କା ଲୁଟି ନେଇଥିବା ଗୁରୁବାର ଥାନାରେ ଅଭିଯୋଗ ହୋଇଥିଲା। ଥାନା ଆଇଆଇସି ବିରଞ୍ଚି ନାରାୟଣ ପତି ସୁଚନା ଦେଇଛନ୍ତି ଯେ ଅଭିଯୁକ୍ତ କଷ୍ଣଚନ୍ଦ୍ର କଟକ ସିଡ଼ିଏ ଅଞ୍ଚଳରେ ରହୁଥିବା କଖଡ଼ି ମହାଳପଡ଼ାଗ୍ରାମର ବିଭୁତି ଭୂଷଣ ସାହୁଙ୍କର କାର ଡ୍ରାଇଭର ଭାବେ କାମ କରୁଥିଲା।ବିଭୁତିଙ୍କର ଧବଳେଶ୍ୱର ନୂଆପାଟଣା ରାସ୍ତା କଢ଼ରେ ଏକ ପେଟ୍ରୋଲ ପମ୍ପ ଅଛି। ବୁଧବାର ତାଙ୍କର ହଠାତ୍‍ ଟଙ୍କା ଦରକାର ହେବାରୁ ସେ ପେଟ୍ରୋଲପମ୍ପରୁ ଟଙ୍କା ଆଣିବା ପାଇଁ ତାଙ୍କ କାର ସହିତ ଡ୍ରାଇଭରକୁ ପଠାଇଥିଲେ। ଡ୍ରାଇଭର କୃଷ୍ଣଚନ୍ଦ୍ର ପମ୍ପରୁ ଟଙ୍କାନେଇ ନିଜେ ଟଙ୍କାକୁ ନୂଆପାଟଣା ନିକଟରେ ରାସ୍ତା ପାଖରେ ଏକ ବୁଦାରେ ଲୁଚାଇ ରଖି ତାଙ୍କୁ ଆକ୍ରମଣ କରି ଦୁର୍ବୁତ୍ତମାନେ ଟଙ୍କା ଛଡାଇନେବାର ନାଟକ ରଚି ମାଲିକ ବିଭୁତିଙ୍କୁ ଜଣାଇଥିଲା।

Comments are closed.