ବେଜିଂ: ସୁଚିୟାନ ଏୟାରଲାଇନ୍ସର୍ ଏକ ବିମାନ ଉଡାଣ ଭରିବାର ଏକ ଘଣ୍ଟା ମଧ୍ୟରେ ବଡ ଦୁର୍ଘଟଣାରୁ ବଞ୍ଚିଯାଇଛି।ହଠାତ୍ ଜୋର ପବନ ବହିବାରୁ ବିମାନ ର କକ୍ପିଟରେ ଥିବା ପାଇଲଟ ବିମାନ ବହାରକୁ ଚାଲିଯାଇଥିଲେ , ମାତ୍ର ସୌଭାଗ୍ୟବଶତଃ ସେ ବିମାନର ଝରକା କବାଟକୁ ଧରି ପକାଇଥିଲେ । ଜୋର ପବନ ବହିବା କାରଣରୁ ପ୍ରଥମେ ଏକ ଝରକାର କାଚ ଭାଙ୍ଗିଯାଇଥିଲା । ଏଥିଯୋଗୁଁ ପ୍ରବଳ ବେଗରେ ପବନ ବିମାନ ଭିତରକୁ ପଶିଥିଲା । ଏଥିଯୋଗୁଁ କ୍ୟାବିନ୍ ମଧ୍ୟରେଥିବା ଖାଦ୍ୟପଦାର୍ଥ ପବନରେ ବାହାରକୁ ଉଡିଯାଇଥିଲା। ଅନ୍ୟ ପାଇଲଟ୍ ମାନେ ନିଜର ସିଟ୍ ବେଲ୍ଟ ପିନ୍ଧିଥିବାରୁ ଏଥିରୁ ବର୍ତ୍ତିଯାଇଥିଲେ । ଏହି ପାଇଲଟ ଜଣଙ୍କ ସିଟ୍ ବେଲ୍ଟ ପିନ୍ଧି ନଥିଲେ ।
ଆକାଶ ମଝିରେ ଏପରି ଘଟଣା ଘଟିବାର ୨୦ମିନିଟ୍ ମଧ୍ୟରେ ପାଇଲଟମାନେ ସୁରକ୍ଷିତ ଭାବେ ବିମାନକୁ ଅବତରଣ କରାଇଥିଲେ । ଏହି ସମୟରେ ବିମାନରେ ୧୧୯ ଜଣ ଯାତ୍ରୀ ଥିଲେ। ୨୯ଜଣ ଯାତ୍ରୀଙ୍କୁ ସ୍ୱାସ୍ଥ୍ୟ ପରୀକ୍ଷା ପାଇଁ ଡାକ୍ତରଖାନାକୁ ପଠାଯାଇଥିଲା। ଆହତ ପାଇଲଟ୍ଙ୍କର ଅଣ୍ଟାରେ ଆଘାତ ଲାଗିଛି।ଏବେ ସେ ଚିକିତ୍ସାଧୀନ ଅଛନ୍ତି ।