ଖୁଣ୍ଟା: ମୟୁରଭଞ୍ଜ ଜିଲା ଖୁଣ୍ଟା ବ୍ଲକ ଭାଲିଆଡିହା ଗ୍ରାମର ବିଲ ମଧ୍ୟରେ ଥିବା ଏକ କୂଅ ମଧ୍ୟରେ ଖସି ପଡି ସୋମବାର ଜନୈକ ଶିଶୁର ମୃତ୍ୟୁ ଘଟିଥିବା ଜଣାପଡିଛି। ଏନେଇ ଖୁଣ୍ଟା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ମୃତ ଶିଶୁ ଜଣକ ଖୁଣ୍ଟା ବ୍ଲକର ଗୟଳମରା ଗ୍ରାମର ସାଗ୍ରାମ ବାସ୍କେଙ୍କ ପୁଅ ଚମ୍ପେଇ ବାସ୍କେ(୬)। ଚମ୍ପେଇ ସୋମବାର ସକାଳେ ପରିବାର ଲୋକଙ୍କ ସହ ମାମୁଁ ଘର ଭାଲିଆଡିହା ଗ୍ରାମକୁ ଯାଇଥିଲା। ସେଠାରେ ଅନ୍ୟ ପିଲାଙ୍କ ସହିତ କିଛି ସମୟ ଖେଳାଖେଳି କରିବା ଭିତରେ ଚମ୍ପେଇ ସେଠାରେ ନଥିବା ଦେଖି ସମ୍ପର୍କୀୟମାନେ ତାକୁ ଖୋଜିଥିଲେ। ଖୋଜା ଖୋଜି ସମୟରେ ସକାଳ ପ୍ରାୟ ୯ଟାରେ ଘର ନିକଟ ବିଲ ମଧ୍ୟରେ ଥିବା ଏକ କୂଅରେ ପଡି ଚମ୍ପେଇ ମୃତ୍ୟୁ ବରଣ କରିଥିବା ଦେଖିଥିଲେ ଓ ପୁଲିସକୁ ସୂଚନା ଦେଇଥିଲେ। ପୁଲିସ ପ୍ରାଥମିକ ତଦନ୍ତ ପରେ ମୃତଦେହ ବ୍ୟବଚ୍ଛେଦ ପାଇଁ ପଠାଇଥିଲା। ଶିଶୁଟିର ମୃତ୍ୟୁକୁ ନେଇ ଉଭୟ ଗ୍ରାମରେ ଶୋକର ଛାୟା ଖେଳିଯାଇଛି।
Popular Categories
Previous article
Next article