ପୁରୀ: ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବରେ ଦାୟିତ୍ୱ ଗ୍ରହଣ କରିଛନ୍ତି ବରିଷ୍ଠ ଆଇଏଏସ୍ ଅଫିସର ପ୍ରଦୀପ୍ତ ମହାପାତ୍ର। ଆସନ୍ତା ରଥଯାତ୍ରାକୁ କିପରି ଶୃଙ୍ଖଳିତ କରାଯିବ ସେଥିପ୍ରତି ପ୍ରାଥମିକତା ଦେବେ ବୋଲି ସେ କହିଛନ୍ତି। ଦାୟିତ୍ୱ ନେବା ପରେ ଶ୍ରୀମହାପାତ୍ର କହିଛନ୍ତି ଯେ ଭକ୍ତ ଯେପରି ଶୃଙ୍ଖଳିତ ଭାବରେ ଶ୍ରୀଜୀଉଙ୍କ ଦର୍ଶନ କରିପାରିବେ, ପୁରୀକୁ ଥରେ ଆସିଥିବା ଭକ୍ତ ପୁଣି ଥରେ ଆସିବାକୁ ମନ ବଳାଇବେ ସେଥିପାଇଁ ବ୍ୟବସ୍ଥା କରାଯିବ। ରତ୍ନଭଣ୍ଡାର ଚାବି ହଜିବା ପ୍ରସଙ୍ଗରେ ଶ୍ରୀ ମହାପାତ୍ର କୌଣସି ମତ ଦେବାକୁ ମନା କରିଦେଇଛନ୍ତି। ସେ କୌଣସି ବିବାଦରେ ନାହାନ୍ତି ଏବଂ ବିବାଦରେ ପଶିବାକୁ ଚାହୁଁନାହାନ୍ତି। ସରକାର ଦେଇଥିବା ଦାୟିତ୍ୱକୁ ଠିକ୍ ଭାବରେ ତୁଲାଇବାକୁ ଚେଷ୍ଟା କରିବେ ବୋଲି ସେ କହିଛନ୍ତି।
